Dunyo hamjamiyati, xususan islomiy yurtlar rahbarlari sukuti ostida Xitoy hukumati uyg’ur musulmonlarini o’z e’tiqodlaridan qaytarish, diniy ibodatlardan to’sish maqsadida ularga nisbatan zulmlarini kundan kunga kuchaytirib bormoqda. Mushrik hukumatning Islom va musulmonlarga qarshi bo’lgan adovati ayniqsa musulmonlar uchun muqaddas sanalgan Ramazon oyida yanada avj oldirib yuborildi. Muborak Ramazon oyi yaqinlashishi arafasida mushrik hukumat o’z odatiga muvofiq bu yil ham musulmonlarni ro’za tutishdan man qilishga qaratilgan e’lon va chaqiriqlarini boshlab yubordi.
Rasmiy hukumat tomonidan chiqarilgan va e’lon qilingan qarorlarda “Ramazon oyida oshxonalar bekitib qo’yilishi taqiqlanadi”, “Ramazon oyida o’quvchilar tushki ovqatlanish jarayoniga ishtirok etishlari majburiydir”, “Masjidlarda iftorlik berish taqiqlanadi”, “Partiya a’zolari, davlat ishida ishlaydigan shaxslar, o’qituvchilar va yoshlar ro’za tutishlari va ramazon faoliyatlarida ishtirok etishlari taqiqlanadi” kabi cheklovlarni ko’rish mumkin. Mushrik hukumat faqat shu bilan kifoyalanib qolmadi, balki hukumat tomonidan oylik olib ishlovchi rasmiylardan “dinsiz ekanliklari, diniy marosimlarda qatnashmasliklari hamda ro’za tutmasliklari” haqida og’zaki va yozma tilxatlarni majburiy ravishda yozdirib oldi. Tilxatda davlat ishchi va xodimlarining faqat o’zlari emas, balki ularning oila a’zolari va yaqin qarindoshlari ham Islom diniga ishonmasliklari, namoz o’qimasliklari, ro’za tutmasliklari va diniy libos kiymasliklari shartli alohida belgilab o’tildi.
Mushrik hukumat Ramazon oyi kelishi arafasida chiqargan buyriqlarni shunchaki e’lon qilib qolmadi, balki bu qarorlarni bajarilishini qattiq nazorat ostiga olib, uyma-uy yurib ro’za tutganlarni aniqlash kirishib ketdi. Alloh tomonidan buyrilgan farzni bajarayotgan musulmolarni ro’zalarini ochishga majbur qilib, bunga rozi bo’lmaganlarni kuch bilan og’izlariga suv quyish, ta’lim muassasalarida musulmonlar farzandlarini tushlikda ishtirok etishga majburlash kabi jirkanch ishlarni olib bormoqda.
Islom va musulmonlarga qarshi olib borayotgan siyosatidan qanoatlanmagan mushrik hukumat oshxonalarni Ramazon oyida ham ishlashga majbur qilishlik bilan kifoyalanib qolmadi, balki musulmonlarga o’z do’kon va oshxonalarida alkagol va tamaki sotishni va bu maxsulotlar rastalarni eng ko’zga ko’rinarli eriga joylashtirish talabini ham qo’ydi.
Musulmonlar xavfsizligi va huquqlarini ta’minlashi shart bo’lgan islomiy yurtlar hokimlari esa mushrik hukumatning Islom va musulmonlarga qarshi olib borayotgan ayovsiz kurashidan to’xtatib qolish o’rniga mushriklar zulmidan qochib o’z uy-joylarini tashlab chiqishga majbur bo’lgan uyg’urlarni yana qayta ular qo’liga qaytarib berish bo’yicha shartnomalar imzolashmoqda. Pokiston prezidenti Navoz Sharif Pekinga qilgan safari vaqtida uyg’urlarga qarshi Xitoy tomonidan amalga oshirilayotgan qirg’inlarni qo’llab-quvvatlashini bildirib uyg’ur musulmonlarni mushrik hukumatga topshirib kelayotgan bo’lsa, Tojikiston hukumati ham o’z yurtidagi uyg’ur qochqinlarini zolimning qo’liga qayta topshirish bo’yicha hujjatni imzoladi.
Shunday ekan musulmonlar AQSh yo’rig’i bo’yicha harakatlanadigan dunyo hamjamiyati va uning ko’rsatmalaridan qilcha ham chetga chiqishga qodir bo’lmagan islomiy yurtlar hokimlaridan umid qilmay nafaqat musulmonlarni, balki butun insoniyatni kapitaliktik tuzumning xorlik va iskanjasidan haqiqiy tinchlik va xotirjamlikka olib chiquvchi islomiy Xalifalik davlatini qayta barpo etish yo’lida birlashmoqlari zarur. Faqat Xalifalik davlatigina Birma, Bangladesh, Sharqiy Turkiston, O’zbekiston va boshqa islomiy yurtlardagi musulmonlarning xavfsizligi va haq-huquqlari to’la ta’minlay oladi. Faqat ana shundagina musulmonlar hech kimdan xayiqmagan holda butun olamlarni Yaratuvchisi bo’lgan Alloh Taoloning barcha buyuruqlarini emin-erkin bajarish imkoniyatiga ega bo’lishadi. Faqat ana shundagina Allohning buyuruqlariga itoat qilganlar emas, aksincha uni bajarmaganlar jazoga tortiladi.
Abdurahmon.
