Biz, Qirg’izistonda faoliyat olib borayotgan Hizb ut-Tahrir jamoasi Qirg’izistonda sodir bo’layotgan voqea va xodisalarni xolis yoritish orqali ham rasmiy hukumatni, ham oddiy xalqni xushyor bo’lishga, siyosiy vaziyatni to’g’ri anglab olish orqali mustamlakachi davlatlar tomonidan qo’yilayotgan tuzoqlardan ogoh bo’lishga tinimsiz chaqirib kelmoqdamiz.
Ayni damlar Qirg’iziston respublikasining oliy rahbariyati uchun juda ham og’ir tanlov davri bo’lib qoldi. Bir tomonda AQSh manfaatlari turgan bo’lsa, boshqa yoqda Rossiya manfaatlari turipti. Amerika Rossiyaning kengayib yana avvalgi qudratiga qaytishini va dunyo siyosatida o’z o’rniga ega bo’lishini hargiz xohlamaydi. Rossiya esa oldingi SSSR qudratini tikkalash uchun albatta kengayishi, o’zining avvalgi mustamlakalari bo’lgan 15 respublika va muxtor respublikalarni o’z qanoti ostida birlashtirishi, Yevropa ichidagi harbiy bazalarini qayta barpo etishi lozim bo’ladi. Ammo buni iloji yo’q. Chunki, SSSR mabdaiy davlat bo’lgan, Rossiyani esa yana qayta kommunistik mabdaga qaytish imkoni yo’q. Tashqaridan qo’llab-quvvatlaydigan birorta davlatning o’zi qolmadi. Tashqaridan eksport qilingan kapitalistik (demokratiya) abdasi esa faqat AQSh va G’arb davlatlarining manfaatlari uchun xizmat qiladi.
Rossiya demoratik mabdadan ham voz kecha olmaydi, chunki tuzum sifatida qabul qiladigan va tatbiq etadigan Islom mabdasidan boshqa mabda qolmadi. Rus hukumatini Islom mabdasini qabul qilmasligi esa kundek ravshan. Bunga sabab Rossiya hukumati barpo bo’lgan kundan boshlab Islom va musulmonlarga dushmanlik qilib keladi.
AQSh esa Islom va musulmonlarni butun olamga xunuk va vahshiy qilib ko’rsatish uchun o’z imkoniyatidagi barcha uslub va vositalarni ishga solib kelayotgan bo’lsa, Rossiya ham undan qolishmaslikka intilib, musulmonlarni yanada vahimali qilib ko’rsatishga harakat qilmoqda. Ularning bundan ko’zlagan maqsadlari bizning davlatga o’xshagan davlat rahbarlarini o’z changallarida ushlab qolish uchun bir qancha yo’nalishlar bo’yicha ko’rsatmalar berishadi va davlat rahbarlari, kuch tuzilma xodimlari o’z xalqiga qarshi barcha qonunlarni buzishsa ham ko’z yumib turishadi. Yetakchi davlatlar tomonidan vahimali va vahshiy qilib ko’rsatilayotgan jihodiy guruhlarni kengayishiga ham kuch organlari tomonidan o’z xalqiga qilayotgan zulmlar sabab bo’lmoqda. Yanada aniqroq qilib aytadigan bo’lsak, terrorizm (Islom va musulmonlar)ga qarshi kurashish uchun tashkil etilgan 10- bo’lim xodimlari – bularni har birini nomma-nom sanab chiqishimiz ham mumkin – oson daromadga mukkasidan ketib, harom pullarga cho’ntaklarini to’ldirib yurgani bugungi kunda hech kimga sir emas.
Yaqin kunlardan buyon AQSh va Rossiya Afg’onistonning shimoliy mintaqalarida, Tojikiston va Turkmaniston bilan chegara hududlarida 6 mingdan 12 minggacha jangarilar to’planib turganini bot-bot qaytarishmoqda. Aslida buncha sondagi jangarilar muntazam armiyaga ega bo’lgan davlat uchun nima degan narsa. Lekin ishni boshqa tomoni bor: jangarilar chegarani buzib kirishlari bilan ularning soni bir necha barobarga oshib ketishi mumkin. Bunga nima sabab bo’lishi mumkin?
Bunga AQSh va Rossiya ko’rsatmalari asosida harakat qilayotgan mahalliy kuch organlari, jumladan, 10- bo’lim xodimlari tomonidan o’z xalqiga nisbatan amalga oshirayotgan nohaq zulmlari sabab bo’ladi.
10- bo’lim xodimlari tomonidan ko’cha-kuyda uyali telefonlardan foydalanib kelayotgan yoshlarning qo’lidan telefonlarini tortib olinish, turli tuhmat va sud qarorisiz noqonuniy ushlab turishlari kundan-kunga ko’payib bormoqda. Noqonuniy qo’lga olingan yigitlarni, ularning oila a’zolarini qo’rqitish orqali 30 ming somdan 100 ming somgacha pul undirishayotganiga guvoh bo’lyapmiz. Odamlar orasida “MEGACOM” kompaniyasiga nisbatan ishonch yo’qolib bormoqda. Bu kompaniyalar 10- bo’lim xodimlari bilan hamkorlik qilyaptimi yoki kompaniya rahbarini bundan xabari yo’qmi? Yoki 10- bo’lim xodimlarining mana shunday hatti-harakatlaridan davlat rahbarlari xabarsizmi yoki bilishsada ko’z yumishmoqdami?
Janubiy mintaqadagi militsiya rahbarlarichi, bundan bexabarmi yoki bu guruhlar bilan sherikmi? Nahotki davlat rahbarlari, militsiya boshliq va xodimlari bunday qilmishlar qanday oqibatga olib borishi haqida o’ylab ko’rishmaydi.
Zulm nafratni kuchaytiradi, nafrat esa hukumatga qarshi harakatlarni keltirib chiqarishi mumkin. Alloh saqlasin, Qirg’izistondagi muvozanat buzilgudek bo’lsa, aynan shu militsiya xodimlari xalqni tashlab, hammadan avval qochib qoladilar. Biz bunday odamlarni millat va vatan xoinlari deb ataymiz. MXDQ (Milliy xavfsizlik davlat qo’mitasi) xodimlari buni yaxshi tushinishadi, deb o’ylaymiz.
AQSh va Rossiya o’rtasidagi kurash to’xtagani yo’q, aksincha tobora kuchayib bormoqda. Ularning o’zaro kurashlari esa o’z hududlarida emas, bizda va bizga o’xshagan davlatlar hududlarida bo’ladi. Shunday ekan rasmiy hukumat ham, kuch organlari ham yirik davlatlarning nog’oralariga o’ynash orqali hukumat va xalq o’rtasidagi jarlikni yanada kengaytirish o’rniga, xalq bilan, uning tuyg’u va qadriyatlari bilan hisoblashish orqali o’zaro birodarlik va ishonch ruhini paydo qilishlari kerak bo’ladi.
Sayfulloh
