Litva tashqi ishlar vaziri Linas Linkyavichyus AQSh idorasi Boltiq bo’yi davlatlariga harbiy va og’ir qurollarini yuborishi borasidagi davolarni tasdiqladi.
“Aslini olganda muzokaralar davom etyapti. AQSh kongresi sharqiy Yevropa davlatlariga yordam qo’lini cho’zish loyihasi uchun bir middiard dollar atrofida mablag’ ajratganligini tasdiqladi. Bir oz avval Litvaga kelgan AQSh harbiylari shu erda qoladi. Bundan tashqari yangi harbiy guruh va jihozlar ham joylashtiriladi”, dedi Linas Linkyavichyus.
Litva tashqi ishlar vaziri AQShning og’ir qurollari Litva, Latviya va Estoniyaga joylashtirilgandan so’ng mintaqadagi vaziyat o’zgarishini bildirar ekan, “Bu jarayon aslo Rossiyaning hujumkor harakatiga nisbatan javob tariqasida amalga oshirilayotgani yo’q. Maqsad xavfsizligimizni kuchaytirishdir. Bu esa mintaqaning, xususan Litvaning xavfsizligini yana-da yaxshilaydi”, deya ta’kidladi.
Boshqa bir tarafdan Polsha mudofaa vaziri Tomash Semonyak ham AQSh askarlari va harbiy jihozlar Polshaga joylashtirilishini tasdiqlaganligi aytilmoqda. Litva matbuotining AQSh manbalariga tayanib xabar qilishicha, agar prezident Barak Obama va AQSh mudofaa vaziri Eshton Karter tasdiqlaydigan bo’lsa, AQSh hukumati Litva, Latviya, Estoniya, Polsha, Ruminiya va Vengriyaga besh mingga yaqin askar va harbiy anjomlar hamda og’ir qurollar yuboradi.
AQSh havo kuchlari qo’mondoni Debora Lii Jeyms yangi rusumdagi “F-22 Raptor” jangovor uchoqlarini Yevropaga joylashtirish mumkinligi haqida ma’lum qildi. Uning izohlashicha, eng so’ngi rusumdagi qiruvchi samalyotlarni Yevropaga joylashtirish AQShning harbiy quvvatini Rossiyaga ko’rsatib qo’yish uchun zarurdir. Jeymsga ko’ra, Rossiyani AQSh uchun eng birinchi o’rindagi harbiy xatar deb atash mumkin.
“Rossiyada bo’layotgan ishlar va uning harakatlari men uchun juda qo’rqinchli bo’lib sanaladi. Mening Yevropadagi eng muhim vazifam mana shudir”, dedi Jeyms qisqa qilib.
O’z navbatida Rossiya ham AQShning bu harakatlariga keskin javob qaytardi. Poytaxt Moskva yaqinida tashkil qilingan qurol yaroq ko’rgazmasida nutq so’zlagan Rossiya prezidenti Vladimir Putin bu yil qirqtadan ortiq yangi rusumdagi ballestik yadroviy raketalar rus harbiy quvvatiga qo’shimcha bo’lishini ma’lum qildi. Putinning qayd etishicha, yangi rusumdagi bu raketalar har qanday ilg’or, zamonaviy raketa himoya tizimini ham yorib o’tishga qodirdir.
Tahlilchilarning izohlashicha, Rossiya prezidenti aniq nomini zikr qilmay, “raketa himoya tizimlar”ini tilga olishi uning Natoga a’zo davlatlarga, xususan AQShga qaratilgan “javobi”dir.
Turkiston:
Putin, oxirgi paytlarda, bir qator Yevropa davlatlariga qarshi faqat xarbiy quvvati bilan bosim va tahdidlar qila boshladi. Bu hatti harakatlar AQShga, Yevropaning Rossiyaga yaqin mintaqalaridagi bir qator mamlakatlarida o’zining yangi bazalarini o’rnatib olishiga yordam beryapti. Bu ketishda Rossiya Putindan mutloq voz kechish haqida o’ylanishi kerak. Aks holda urush bo’ladi, lekin bundan Rossiya xalqi uchun hech qanday manfaat bo’lmaydi. Putin vaziyatdan chiqib olish uchun, har narsaga tayyor turipti.
