Husiy ko’ngilli lashkarlari Hizb ut-Tahrir yigitlaridan beshtasini juma kuni Xo’lon mintaqasidan San’oga qaytayotganlarida avtomobilini to’sib, hibsga olishdi. Ular Hizb yigitlarini shu yo’ldagi xavfsizlik bo’limiga olib borishdi. Bu yigitlar shu mintaqaga ziyorat uchun kelishgan bo’lib, u erdagi erlik aholi bilan suhbat uyushtirishgan edi. Ular erlik aholi bilan barcha musulmon yurtlari, xususan Yaman boshdan kechirayotgan musibatlar va inqirozlardan chiqishning yaroqli echimi haqida suhbatlashishgan edi. Hibsga olinganlar: (Birodarlarimiz muhandis Shafiq Xamis, Hizb ut-Tahrirning Yaman viloyatidagi matbuot bo’limi a’zosi Abdulloh Qozi, uning o’g’li Ali Abdulloh Qozi, Muhsin Ja’dabiy va Abdulkarim Sad’iylar edi).
Husiy ko’ngilli lashkarlari Hizb ut-Tahrir yigitlariga nisbatan va umuman Yaman ahliga nisbatan qilayotgan tuban jinoyatlarni mafiya va jinoyatchi to’dalardan boshqalar qilmaydi. Ular urush va fitnalarni avj oldirmoqdalar. Ularning fikriga qarshi chiqqanlarni haq kalimani aytishlaridan qo’rqib, o’ldiryapti, qamayapti va ularga tazyiq o’tkazib tozalashga harakat qilyapti. Ularning haq kalimaga qarshi hujjat va dalillari yo’q, shuning uchun unga qurol va tog’utlar kekkayishi bilan javob qiladilar. Bu bankrotlik va g’ururning dalili bo’lib, u sohibini jarga turtadi va Allohning g’azabiga duchor qiladi.
Biz aksar bayonot, anjuman va konferentsiyalarimizda Payg’ambarlik minhoji asosidagi Roshid Xalifalikni qurish yo’lida moddiy ishlar bilan shug’ullanmasligimizni va qurol ko’tarmasligimizni bayon qilganmiz. Moddiy ishlar bilan shug’ullanmasligimizning sababi qo’rqqanligimizdan emas, balki biz buni Payg’ambarimiz Aning Madinai Munavvarada davlatni barpo qilgan paytdagi amallaridan ibrat olib qilamiz. Lekin shunga qaramay Husiy ko’ngilli lashkarlari yigitlarimizni qamashyapti, tazyiq o’tkazishyapti va San’o ko’chalaridagi plakatlarimizni makkorona va bema’ni bahonalar bilan olib tashlashyapti. Ular o’zlarining bu jinoyatkorona ishlarini o’zlarida Hizb «Islomiy Davlat» yoki Al-Qoida tizimi orasida faoliyat olib bormoqda, degan shubha borligi bilan oqlashmoqda!! Aslida esa bunga sabab bizning Rosululloh A bayroqlarini ko’targanligimiz hamda nashra va bayonotlarimizga shu bayroqni ilova qilganimiz va Payg’ambarlik minhoji asosidagi Xalifalikka chaqirayotganligimizdir!! Biz Husiylarning siyosiy idorasini ziyorat qilib, ular bilan bahslashgan hamda ularga o’z programmamizni berib, uni tushuntirgan edik. Ular Hizb ut-Tahrir chaqirayotgan narsani va uning faoliyat yo’lini qachon tushunishar ekan, yoki ular hech narsani anglamaydilarmi?!
Husiy ko’ngilli lashkarlari hokimiyat ishqida mast bo’lib, manmanlik kasaliga yo’liqishgan. Ular o’zlarini zolimlarga qarshi dod-voy solayotgan qilib ko’rsatgani bilan, ular bilan til biriktirib, ularni himoya qilishmoqda. Ayni paytda zulmni o’zgartirish, va jinoyatchilarni yo’q qilish va er yuzida Payg’ambarlik minhoji asosidagi Roshid Xalifalikni barpo qilish orqali Allohning hukmini o’rnatishga harakat qilayotgan xolis Hizb ut-Tahrir yigitlariga qarshi dod-voy solib, ularni qamashmoqda. Lekin bo’g’izlanganning harakati qanchalar kuchli bo’lmasin, u ongsiz harakatdir. Bu narsa G’arb musulmonlar uchun yaratgan siyosiy va toifachilik loyihalarini ro’yobga chiqarish uchun engil quroldir. Hizb ut-Tahrir ichki va tashqi urushlarni va G’arb u orqali Yamanni parchalab tashlashni xohlayotgan toifachilik fitnalarini rad etishdagi o’z pozitsiyasini bayon qilib kelgan. Hizb ut-Tahrir Husiylarni mastliklaridan uyg’onib, Yaman ahli va Hizb ut-Tahrir yigitlariga nisbatan qilgan gunohlaridan Allohga tavba qilishlariga, hamda hibsdagilarni darhol ozod qilishlariga chaqiradi. Biz ularni Hizb ut-Tahrirning Alloh va’dasi va Rosuli bashoratini ro’yobga chiqarish uchun Ummat bilan birga qilayotgan tarixiy harakatga nisbatan dushmanona pozitsiyada turishlaridan ogohlantiramiz. Toki, Islom Ummati o’zining yagona davlatdagi yagona Ummat mavqeini qaytarib olsin, zotan, bu davlat o’z kengligiga turli ijtihodiy mazhabda bo’lgan va fotih mujohid sifatida dushmanga qarshi jang qiladigan barcha musulmonlarni sig’diradi.
﴿وَقُلِ اعْمَلُواْ فَسَيَرَى اللّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ﴾
«Ayting: (Xohlagan) amalni qilinglar. Bas, Alloh, Uning payg’ambari va mo’minlar qilgan amallaringizni ko’rib turar va yaqinda g’aybu shahodatni (ya’ni, yashirin va oshkor narsalarning barchasini) bilguvchi zotga qaytarilursizlar. Bas, U zot sizlarga qilib o’tgan amallaringizning xabarini berur» [Tavba 105]
Hizb ut-Tahrirning Yaman viloyatidagi matbuot bo’limi
Telefon: 735417068
Elektron pochta: aan1924@gmail.com
Hizb ut-Tahrir sayti: www.hizb-ut-tahrir.org
Hizb ut-Tahrirning matbuot bo’limi sayti: www.hizb-ut-tahrir.info
