Alloh subhanahu va taolo tomonidan Islom dini barcha insoniyat uchun hidoyat va rahmat qilib jo’natilgan kundan boshlab Islom dushmanlari tomonidan dinning yoyilishiga yo’l qo’ymaslik maqsadida da’vatni ko’tarib chiqqanlarni ta’qib va tazyiq ostiga olish boshlangan.
Abu Jahl, Abu Lahab, Valid ibni Mug’iyra va Umayya ibni Xalaf kabi ashaddiy kofirlar Islom dinini yoyilishiga yo’l qo’ymaslik maqsadida mollariyu jonlarini ayamay harakat qilishgani, ammo hech qanday natijaga erisha olmay oxir-oqibat Allohning, Payg’ambarining va musulmonlarning la’natiga duchor bo’lgan holda bu dunyosini ham, oxiratini ham boy berganligi tarixdan ma’lum. Biroq, ularning qismatidan ibrat olmagan va o’tkinchi dunyoning arzimas amal kursisiga ega bo’lish yoki biror moddiy manfaatni qo’lga kiritish ilinjida Islom va musulmonlarga qarshi kurashib kelayotganlar islomiy yurtlarda ham etarlicha topiladi. Ularning o’tmishda o’tgan din dushmanlari bilan farqi shundan iboratki, avvalgilar kofir bo’lishgan holda Islomga qarshi kurashishgan bo’lsa, hozirgilar musulmonlikni da’vo qilib Islom dini va musulmonlaraga qarshi kurashishmoqda.
Shulardan biri, 1984 yili Jalolobod viloyatining Olabuqa tumanida tug’ilgan, Qirg’iziston respublikasi Milliy xavfsizlik davlat qo’mitasi (MXDQ)ning O’sh shahri va viloyati bo’yicha tergovchisi, yustitsiya katta leytenati Shodibekov Artur Usupjonovichdir. Artur o’z kasbiy faoliyati davomida Islom va musulmonlarga, xususan, Islom da’vatini ko’tarib chiqayotganlarga qarshi shaxsiy adovati orqali o’zini namoyon qilib kelmoqda. Artur Islom diniga qarshi ochiqchasiga kurashayotgan va Qirg’iziston qonunlarini oshkora buzayotgan kuch tuzilmasi xodimlaridan biridir. Musulmon birodar va opa-singillarimizni qo’lga olish bo’yicha Artur ishtirok etgan har bir qo’lga olish amaliyotlari gumondorni qattiq kaltaklash, haqorat qilish va zo’ravonliklar bilan amalga oshiriladi. Uning birinchi “muvaffaqiyatli amaliyoti” o’z vaqtida ijtimoiy tarmoqlarda keng noroziliklarga sabab bo’lgan shahid birodarimizning qizi Zulfiya Omonovani hibsga olinishi bo’lgan edi.
Mustaqil ekspertiza singlimiz Zulfiya Omonovaning so’zlarida qonunga xilof hech qanday ibora yo’qligi to’g’risida xulosa bergan bo’lsada, Artur Zulfiya bergan interyudan diniy adovat qo’zg’atuvchi so’zlar borligini topishga “muvaffaq bo’ldi”. Artur Shodibekov Zulfiyani panjara ortiga tashlashga qattiq harakat qildi, buning natijasida esa Zulfiya tergov hibsxonasida ikki oy qolib ketdi, oqibatda sud hukmi bilan bir yillik ravishda jazoga tortildi. Shodibekov o’z kasbdoshlari orasida “unga qadar hech kim Zulfiya Omonovani qamoqqa olishga jur’at qilmagani” bilan faxrlanib yurdi.
Artur ishtirokidagi ikkinchi amaliyot birodarimiz Xakimjon Obidjonovni qo’lga olinishi bilan bog’liq. Tong saharda manzilni adashtirgan Artur Shodibekov boshchiligidagi maxsus guruh Xakimjonning qo’shnisi bo’lgan nabiralari bilan birga yashovchi keksa ayolning uyiga bostirib kirishadi. Erkaklar Rossiyaga ish izlab chiqib ketishgani sababli uyda erakalar bo’lmagan qo’shnilar shok holatiga tushib qolishadi. Ular uyga bosqinchilar yoki o’g’rilar tushdi deb o’ylashadi. Niqob taqqan maxsus xizmat xodimlari qo’pollik bilan keksa ayolga tahdid qilib, qo’rqitib begona uydan Xakimjonni qidira boshlashadi. Yosh bolalar va ayollarni vahimaga solib butun uyni ostin-ustin qilib titib chiqqan maxsus guruh xodimlari adashganlarini bilishgach uzr ham so’ramay chiqib ketishadi.
Shundan so’ng ular Hakimjonnig uyiga bostirib kirishadi. Ko’cha eshigini qattiq taqqillashi Hakimjonnig otasi afg’on urishi qatnashchisi, ikkinchi guruh nogironi 63 yoshli Muhammadjon akani uyg’otib yuboradi. Muhammadjon aka eshikni ochish uchun borayotgan vaqtda darvozani sindirib kirgan maxsus xizmat xodimlar uning yuziga avtomat qo’ndog’i bilan urib yiqitishadi va ikkita xodim hushini yo’qotguncha kaltaklashadi. Ularni hatto ayolining baqir-chaqiri ham to’xtata olmaydi. Insoniylik qiyofasini yo’qotgan bu xodimlar keksa kishiga yordam berish uchun kelgan tez yordam xodimlariga ham to’sqinlik qilishadi. Hakimjonning onasi eri bilan ovvora bo’lib turgan vaqtda Artur boshchiligidagi xodimlar Hakimjon yotgan xonaga yo’l olishadi va vaqtdan foydalanib krovati ostiga kitoblar tashlab qo’yishadi. Sud tintuv vaqtida qo’pol ravishda qonun buzilishlariga yo’l qo’yilganini bir ovozdan tasdiqlagan qo’shnilar ko’rsatmasini inobatga olmadi va Hakimjonni 5 yilga ozodlikdan mahrum etishga hukm qildi. Tintuv mobaynida Shodibekov hatti-harakatlari yuzasidan arz qilinganidan so’ng harbiy prokuratura unga nisbatan jinoiy ish ochdi, ammo shu vaqtga qadar biror chora ko’rilmadi.
Artur ishtirokidagi uchinchi tintuv birodarimiz Dilyor Jumaboev bilan sodir bo’ldi. Islomga da’vat qilishda faol bo’lgan Dilyor mamlakatda o’zi egallagan mavqe bilan mashxur edi. U har doim hukumatdan qonun doirasida harakat qilishni talab qilar, bu esa o’z navbatida amaldagi hukumatni bezovta qilar edi. Artur Shodibekov bu safar ham keskin harakat qildi. Niqob taqqan maxsus xizmat xodimlari darvozadan oshib o’tib, uyga bostirib kirishdi. Nima sodir bo’layotganini anglab etmagan Dilyorning oila a’zolari karaxt bo’lib qolishdi. Qonunga amal qilishni talab qilinishiga javoban ular Dilyorni kaltaklashni boshlab yuborishadi. Otasini himoya qilish uchun chiqqan Dilyorning 17 yoshli qizini ham qo’shib kaltaklashdi. Dilyorni esa avtomat qo’ndog’i bilan hushini yo’qotgunga qadar kaltaklashdi. Bularning barchasiga uyning tintuv qilish mobaynida uyda saqlanayotgan 3000 dollarni o’g’irlab olib chiqib ketgan Artur Shodibekov boshchilik qildi. Olgan jarohatlariga qaramay Dilyorga hech qanday tibbiy yordam ko’rsatilmadi. Uzoq davom etgan sud jarayonlaridan so’ng Dilyorni 6 yilga manzil kolloniyasiga hukm qilindi.
Tergovchining bunday jinoyatlari bugungi kunga qadar davom etmoqda. Qiyomat kunida O’zining diniga qarshi borganlarni Alloh tomonidan ayanchili jazolar kutayotganini o’ylab ham ko’rmayotgan Artur Shodibekov mana shunday “jangovor qahramonlik”lar ko’rsatib kelmoqda. U boshliqlari topshiriqlarini ortig’i bilan bajarish orqali xizmat pillapoyalaridan qanday ko’tarilish haqidagina o’ylamoqda, uning harakatlaridan qanchadan-qancha musulmonlar va ularning oila a’zolar aziyat chekayotgani bilan bir pullik ishi yo’q.
Uni va u kabi bilib-bilmay Allohning diniga qarshi kurashayotganlari O’zining to’g’ri yo’liga boshlasini Allohdan so’rab duo qilaylik!
Zero, o’tmishda o’tgan Islom dushmanlari hech qanday natijaga erisha olmagani kabi, bugungi kunda Islom dinini jamiyat ichida yoyilishiga qarshi kurashayotganlar ham faqatgina o’z ziyonlariga harakat qilmoqdalar.
“Ular Allohning nurini og’izlari (ya’ni behuda gaplari) bilan o’chirmoqchi bo’lurlar. Alloh esa, garchi kofirlar istamasalarda, O’z nurini to’la (butun dunyoga) yoyguvchidir. U O’z (Alloh) payg’ambarini hidoyat va haq din bilan-garchi mushriklar istamasalar-da barcha dinlarga g’olib qilish uchun yuborgan Zotdir”. (Saf. 8-9)
