“novorossia.su” saytining xabar qilishicha, “Manas” aeroportida Ukraina aviakompaniyalariga qarashli samolyotlarni paydo bo’lishi qirg’iz politologlarini tashvishga solib qo’ydi. Ma’lum bo’lishicha, samolyotlarda “diplomatik pochta” maqomi ostida 150 tonna noma’lum yuk olib kelgan. Qirg’iziston OAVlari ma’lumotiga ko’ra, ko’p tonnalik yuk Qirg’izstondagi AQSh elchixonasi uchun mo’ljallangan.
Siyosatshunos Toktogul Kakchekeevning fikricha, “Samolyotlar yuk bilan uchib kelgan va darhol e’tiborni tortgan. Ko’plab ekspertlarning aytishicha, bunday samolyotlar Kievda ham “Maydon” boshlanishidan oldin paydo bo’lgan. Bu holni esa, AQSh Qirg’izistonning Bojxona ittifoqiga a’zo bo’lishiga yo’l qo’ymaslik uchun Qirg’izistonda o’z faoliyatini kuchaytirayotgani bilan bog’lashmoqda”.
Uning taxminicha, bu ishlar AQSh qanday qilib bo’lsa ham Qirg’iziston hukumatiga ta’sir o’tkazishga harakat qilayotgani bilan bog’liq bo’lishi ham mumkin. Siyosatshunosning so’zlariga ko’ra, samolyotlar bortida 20, 50 va 100 dollarlik qiymatidagi naqd valyutalar bo’lishi mumkin. Biroq yuk haqida aniq ma’lumot yo’q, chunki bu haqida cheklangan kishilargina ma’lumotga ega.
AN-124 tronsport samolyotlari ikki marta – 28 va 30 mart kunlari – Manas aeroportiga kelib qo’ngan edi. Har safar samolyotlar BAA poytaxti Abu- Dabidan uchib kelgan. 28 mart kuni kelgan birinchi samolyotda ettita konteynerdan iborat umumiy og’irligi 78 tonnadan ziyod yuk olib kelgan bo’lsa, 30 mart kuni esa besh konteynerda umumiy og’irligi 74 tonnaga yaqin bo’lgan yuk olib kelgan. Yukni bir necha kishi kuzatib kelgan va AQSh elchixonasining 14 xodimi kutib olgan.
2013 yilning noyabr oyida Ukrainada “Maydon” boshlanishidan oldin Amerikaning Kievdagi elchixonasi ham AQSh harbiy havo kuchlariga tegishli harbiy transport samolyotlari bilan olib kelingan “diplomatik pochta” olgan edi. O’sh vaqtdagi yuk mayda kupyuralarda 60 million dollardan iborat bo’lgan. Keyinchalik 20, 50 va 100 dollar qiymatidagi yap-yangi kupyuralar “Maydon”da paydo bo’lgan.
AQShning Qirg’izistondagi elchixonasi oradan 16 kun o’tib Ukraina avakompaniyalariga qarashli samolyotlari bilan olib kelingan noma’lu yuk haqida ma’lumot berdi. Elchixonaning xabariga ko’ra, olib kelingan yuklar elchixona uchun yangi qurialyotgan bino uchun kerakli materiallar bo’lgan.
