Savol:
Shu kunlarda turli saytlarda “IShID” tashkiloti rahbari Abu Bakr Bag’dodiy haqida shubhali xabarlar tarqala boshladi. Uning asl ismi Elliot Simon bo’lib, u yahudiylarning Mossad partiyasidan ekanligi iddao qilinmoqda. Biz islomiy siyosiy Hizb ut-Tahrir a’zolari bo’lganimiz bois va musulmonligimiz tufayli ma’lumotlarni tekshirib, uning to’g’ri ekanligi tasdiqlangandan keyingina bu xabarni boshqalarga etkazishimiz mumkin bo’ladi. Shuning uchun men sizlarda bu haqida sahih ma’lumot bo’lsa, menga ham yuborishinglarni, agar ma’lumot bo’lmasa tekshirib ko’rib aniq javob topishga yordam berishinglarni iltimos qilaman. O’zim ham inshaAlloh izlanaman. Agar haqiqatdan ham Bag’dodiy Elliot Simon bo’lib chiqsa, buni Ummatga etkazish uchun jiddiy harakat qilamiz, bordiyu bular asossiz yolg’on xabarlar bo’lsa, Ummatni bo’linishiga sabab bo’luvchi bu xabardan Ummatni ogoh etishimiz kerak. Allohning O’zi ishlarimizga yordam bersin va nusrati bilan ko’zlarimiz va qalblarimizni shod aylasin.
Turkiston:
Javob:
Va alaykum assalom. Hizb ut-Tahrir islomiy siyosiy Hizb ekanligidan boshqa jamoalar vakillari yoki amirlarining tarjimai hollarini taftish qilish bilan shug’ullanmaydi. U har qanday shaxs, hizb yoki jamoaning olib borayotgan harakat faoliyatiga e’tibor qaratadi va shunga ko’ra ularga va ularning muayyan harakatlariga nisbatan o’z pozitsiyasidan turib, lozim bo’lsa munosabatini bildiradi.
Hizb ut-Taxrir Islom mabdasiga asoslangan Hizb ekanligidan noshar’iy biror harakat orqali muayyan manfaatni ro’yobga chiqarib olishni o’zi uchun man qilib, shunga dalolat qiluvchi bir qancha fikrlarni tabanniy qilgan. Shuning uchun Bag’dodiy yoki boshqa islomiy harakat nomi ostida harakat olib borayotgan uyushmalarning har birining olib borayotgan harakatlaridagi shar’iy va siyosiy xato yoki muvaffaqiyatlariga e’tiborini qaratib, kerak bo’lsa o’z munosabatini bildirib keladi.
Matbuotdagi Bag’dodiy haqidagi ma’lumotlarga kelsak, Payg’ambarimiz sallollahu alayhi va sallam, “Boshi mayiz singari qora inson haqni gapirsa, qabul qilinglar”, deganlaridek, insonning ilgarigi tarjimai holi qanday bo’lishidan qat’iy nazar, biz uning bugungi holatiga e’tibor berishimiz kerak bo’ladi. Chunki, Islom eshigi hatto Obama uchun ham ochiq. Tavba eshigi ham huddi shunday. Biz bu eshiklarni berkitishga harakat qilishimiz joiz emas. Aksincha, bu eshikni kofir yoki adashgan insonlarga ko’rsatish va ularni shu eshikdan olib kirish bizlarning asosiy vazifalarimizdan hisoblanadi. Payg’ambarimiz sallollahu alayhi va sallam Makkadagi yashirin holatlarida da’vat olib borayotib, “ Allohim bizlarni ikki Umarning biri bilan quvvatlantirgin”, deb duo qilganlarida Abu Jaxlni ham nazarda tutgan edilar.
Bag’dodiy etakchilik qilib kelayotgan tashkilotning asosiy xatosi ham huddi shunda emasmi? Ular musulmonlarga nisbatan “takfir” tushunchasidan kelib chiqib yomon muomalalar qilishdi. Hatto ularga tavba qilishlariga imkon ham berishmadi. Noshar’iy yo’l bilan o’zlarini “Islom davlati”, deb e’lon qilib olishdi. Natijada musulmonlarda ularga nisbatan nafrat paydo bo’ldi. Kufrga xizmat qilib kelayotgan hukumat vakillarida yoki intelegentsiya vakillarimiz, deb kelishayotgan ziyolilar qatlamda, hatto masjid imomlaridan tortib, din vakillarigacha ular ko’targan tushunchalardan xadiksiray boshlashdi. Bu esa jamiyatimizning asosini tashkil etuvchi etakchi qatlamni Islom va musulmonlardan qo’rqadigan, ularga ishonmaydigan holatga olib bormoqda. O’z navbatida bu tushunchalar musulmonlarning o’zaro bo’linishiga sabab bo’lmoqda.
Hukumat vakillari, kuch organlari va harbiy xodimlar, intelegentsiya vakillari va boshqa barcha jamiyat a’zolari o’zlarini musulmon sanashsa, demak ular musulmon hisoblanishadi. Faqat ularning ichida ba’zilari, o’zlarining muayyan harakatlari (kufr keltirishlari) bilan kofir (murtad) yoki ba’zi harakatlari bilan qattiq gunohkor qilib olishlari mumkin. Ba’zi sohalar esa umuman musulmonlar uchun harom. Har ikkala holatda ham muayyan shaxslarning harakatlari yoki xatolariga qo’ra, butun bir soha vakillari ustidan hukm chiqarilmaydi.
Shuning uchun bizlar bilishimiz kerakki, yuqoridagi Bag’dodiy haqidagi fikrlar kufrning siyosiy o’yinlaridan biri bo’lishi mumkin. Bu bilan AQSh butun olamga “ID” nomi ostidagi tashkilotni o’zining qo’l ostida ekanini va u bu tashkilotni xohlagan tomoniga yo’naltira olishi mumkinligini anglatib qo’ymoqchi bo’ladi. Masalan, Qirg’izistonda shu tashkilot vakillari kuchayib borayotganidan vahima paydo qildi. Qirg’iz davlati bu unday emasligini bilmasligi mumkin emas edi. Lekin qirg’iz hukumati “ID” tashkilotidan emas, uni olib kelishi yoki uning nomidan o’zi ish olib borishi mumkin bo’lgan AQShdan qo’rqdi. Boshqa yurt va davlatlar ham huddi shu kabi AQShdan qo’rqa boshlashadi.
Shuning uchun bizlar har bir harakatimizda shar’iy hukmga mahkam bog’lanib, faqat Islom va musulmonlar manfaatini ko’zlashimiz lozim. Kufr nayranglarini ko’ra bilishimiz ham shar’an vojib ish ekanligidan, buni ro’yobga chiqarish uchun siyosat bilan doim birga borishimiz ham o’z-o’zidan vojib bo’ladi. Aks holda o’zimiz bilmagan holda kufrning rejalarini rivojiga hissa qo’shib qo’yishimiz mumkin.
Vassalomu alaykum va rohmatullohi va barokatuh
