Joriy yilning mart oyida Bashar Asad rejimiga qarshi boshlangan inqilobga to’rt yil to’ladi. O’tgan to’rt yil mobaynida mazkur kurash rejim va xalq o’rtasidagi kurashdan mafkuralar o’rtasidagi to’qnashuvga aylanib ulgurdi. Bu vaqt mobaynida Suriyada 200 mingdan ziyod musulmonlar qurbon bo’lib, qurbonlar orasida yosh bolalar va ayollar ham ko’pchilikni tashkil etadi.
Bundan tashqari Markaziy Afrika respublikasidagi musulmonlar “tinchlikparvar kuchlar” nazorati ostida xristian jangari guruhlari tomonidan tinimsiz ta’qib va qirg’in qilib kelinmoqda. Birmada esa terrorchi butparastlar musulmonlar ustida ko’nglilari tusagan jinoyatni sodir etishmoqda.
Qolaversa o’tgan yilning yoz oyida G’azo sektorida Isroil tomonidan olib borilgan “Buzilmas qoya” harbiy operatsiyasi vaqtida ikki mingdan ziyod musulmonlar qurbon bo’ldi.
7 yanvar kuni Frantsiya poytaxti Parij shahrida payg’ambarimiz Muhammad sallollahu alayhi va sallamni xaqorat qilgan “Sharli Ebdo” jurnaliga hujum uyushtirilishi ortidan mazkur jurnal Rosullulloh sallollahu alayhi va sallamni yana bir bor xaqorat qilishga jur’at qildi. Buning ortidan dunyodagi ko’plab islomiy yurtlarda, xususan Qirg’izistonda ham “Men Payg’ambar alayhissalomni yaxshi ko’raman” shiori ostida ko’p ming kishilik norozilik aktsiyalari bo’lib o’tmoqda.
Yuqorida sanab o’tilgan xodisalar yuzasidan biror munosabat bildirishga, loaqal musulmonlarga hamdardlik izhor qilishga ham yaramagan O’zbekiston hukumati roziligi bilan Toshkent va Buxoro shaharlarida maxsus kontsertlar uyushtiriladigan bo’ldi.
Rasmiy hukumat “Xolokost qurbonlari”ni xotirlash xalqaro kuni munosabati bilan Isroil va Germaniyaning O’zbekistondagi elchixonalariga isroillik pianinochi Yaron Kolberg va germaniyalik violonchelchi Nikolas Altshtedtlarning kontsertlari uyushtirishga ruxsat berdi.
Kontsertlar 27 yanvar kuni Toshkentda, 28 yanvar kuni Buxoro viloyatida o’tkaziladigan va bu kontsert uchun bupul biletlar taqdim etiladigan bo’ldi.
Bu orqali O’zbekiston hukumati o’zini kim ekanligini va kim bilan bo’lishni afzal ko’rishini yana bir bor namoyon qildi.
Imom Ahmad rahimahulloh aytganlar: “Agar sen yashayotgan davr odamlaridagi Islomning ahvolini bilmoqchi bo’lsang, masjid eshiklari atrofidagi to’s-to’polonga qarama. Shuningdek ularning Haj vaqtida “labbayka”ni aytilayotgandagi shovqinga e’tibor berma. Biroq ularning shariat dushmanlariga nisbatan munosabatlariga qaragin!” (“al-Adabush-shar’iya” 1/268).
Qolaversa, Rasululloh sollallohu alayhi vasallam: “Inson qaysi qavmni yaxshi ko’rsa, albatta o’sha qavm bilan birga tiriladi!” , deganlar. (Tabaroniy rivoyati)
