Frantsiyada Rosululloh s.a.v.ni masxara qilib, karikatura suratlarini chop etgan “Charlie Hebdo” jurnali tahririyatiga hujum uyushtirilgani butun dunyo ommaviy axborot vositalari orqali deyarli har kuni namoyish qilinmoqda. Bu hodisa ham – boshqa hodisalar kabi – terrorchilik xurujlari deya tavsiflanib, ayb musulmonlarga yuklatildi.
Shuncha shov-shuvga qaramay, 7 yanvar kuni “Charlie Hebdo” satirik jurnaliga uyushtirilgan hujum ko’pchilikda shubha uyg’otmoqda. Mutaxassislarning aytishicha, guvohlar deb aytilayotgan kishilar suratga olgan video lavhalarda montaj izlari yaqqol bilinib qolgan. Bu kabi shubha uyg’otuvchi fikrlar “Livejournal” jurnalining saytidan o’rin oldi.
Shubha uyg’otuvchi omillardan yana biri shuki, terakt amaliyotlari uyushtirilgan joylar to’liq ko’zdan kechirib chiqilmay turib, prezident va bosh vazir kabi mamlakatning birinchi shaxslari u erga kirishi xavfsizlik protokoliga to’g’ri kelmaydi. Terakt amalga oshirilgan joy va uning atrofidagi butun mavzelar o’rab olinib, tezkor-qidiruv amaliyotlari o’tkazilishi kerak bo’ladi. Chunki u er xavfli hisoblanib, portlovchi moddalar o’rnatilgan bo’lishi mumkin. Ammo Frantsiya prezidenti Olland terrorchilik hujumidan 10 daqiqa o’tar-o’tmas, jabrlanganlar hali tez yordam mashinasiga ortilmay turib voqea joyida paydo bo’lgan. Biroq, hech qanday mina qidiruvchi mutaxassislar, yoki iskovich itlardan darak yo’q.
Shunday bo’lishiga qaramay, bu hodisadan so’ng musulmonlarga va masjidlarga nisbatan hujumlar avvalgiga qaraganda ancha kuchaydi. Islomofobiyaga qarshi observatoriya guruhi rahbari Abdulloh Zikriy Frantsiyada musulmonlarga qarshi nafrat va ayirmachilik kuchayganini bildirdi.
Olingan xabarlarga ko’ra, Frantsiyadan tashqari boshqa Yevropa davlatlari ko’chalarida ham Islom va musulmonlarga qarshi aksil-Islom namoyishlari avj olgan. Xususan, Germaniyaning Drezden shahrida davom etib kelayotgan aksil-Islomchilar namoyishi yana avjiga chiqqani aytladi xabarda. Ispaniyada Islom va musulmonlardan qutilishning nishonasi sifatida Islomning tarixiy harbiy bayrog’i ko’chalarda aylantirildi.
