“Bi-bi-si”ning Xitoy ommaviy axborot vositalari tarqatgan xabarlarga tayangan holda ma’lum qilishicha, politsiya go’yo portlashni uyushtirishga tayyorgarlik ko’rayotgan olti kishini otib o’ldirgan.
Hodisa Qashg’ar viloyatida ro’y bergan.
Xabarlarga ko’ra, mahalliy odamlar shubhali buyum olib ketayotgan bir shaxsni ko’rganlar.
Bu haqda politsiyaga xabar berilgan va politsiya xodimlari bu odamga yaqinlashgan paytda u hujum qilgan va yonida bo’lgan portlovchi moddani portlatishga harakat qilgan.
Biroq portlatishga ulgurmagan, politsiyachilar uni otib o’ldirgan.
Shinjon Uyg’uristonidagi yangiliklarni yoritishga ixtisoslashgan Tianshan Net veb-saytida e’lon qilingan xabarga ko’ra, portlovchi moddalarni portlatishga harakat qilgan yana besh kishi otib o’ldirilgan.
Ushbu xabarni hozircha mustaqil manbalardan tasdiqlatishning imkoni bo’lmagan.
Turkiston:
Mustamlakachi Xitoy hukumatining uyg’ur musulmonlariga qarshi amalga oshirib kelayotgan shafqatsiz qirg’inlari uzoq yillardan dunyo hamjamiyati e’tiboridan chetda qolib kelmoqda. Bunga sabab, qirg’in uyushtirayotganlar xudosiz kommunistlar hukumati, qirg’in qilinayotganlar esa musulmonlar bo’lganidir.
Payg’amdarimiz Muhammad sallollahu alayhi va sallamni masxara qilib kelgan “Sharli Ebdo” satirik jurnaliga uyushtirilgan hujum natijasida 12 odamni o’ldirilishi so’nggi besh kun ichida OAVlarida keng yoritilayotgan mavzulardan biri bo’lib qolmoqda. Bu hujum munosabati bilan hatto Parij bo’ylab “Birlik” yurishi o’tkazilib unda dunyoning 40dan ziyod davlatlarning rahbarlari ishtirok etishdi.
Suriya, Iroq, Falastin, Markaziy Afrika respublikasi, Birma, Checheniston, Sharqiy Turkiston… va boshqa islomiy yurtlarda o’n minglab musulmonlar qirg’in qilingan va qilinayotgan, musulmonlar uchun o’z ota-onasi va farzandlaridan ham ko’ra suyukli bo’lishi vojib bo’lgan payg’ambarimiz Muhammad sallollahu alayhi va sallam mazax qilinayotganida hatto munosabat bildirishga qo’rqqan islomiy yurtlar hokimlari bu yurishda shaxsan ishtirok etishga, qatnasha olmaganlari esa Frantsiya prezidentiga ta’ziya izhor qilishga shoshilishdi.
Kofirlar tomonidan musulmonlar himoyachisi bo’lgan Xalifalik davlati qulatilgach musulmonlar o’z qalqonlaridan ajralib qoldi. Mustamlakachi davlatlar va ular tomonidan o’rnatilgan xaqir hokimlar musulmonlar, ularning qadriyatlari ustidan ko’nglilari tusagan ishni qilib kelmoqdalar.
Payg’ambarimiz Muhammad sallollahu alayhi va sallam naqadar haq so’zni aytganlar:
“Yeb to’ymas ochofatlar o’z tovog’iga tashlangani kabi yaqinda millatlar sizlarning ustingizga tashlanadi, dedilar. Shundab bir kishi, yo Rasulalloh, o’sha paytda sonimiz kam bo’lganidan shunday bo’ladimi? – dedi. U zot: yo’q sizlar u paytda ko’p bo’lasizlar. Biroq selning ko’pigi kabi ko’pikka o’xshaysiz. Alloh dushmanlaringiz qalbidan sizlardan bo’lgan qo’rquvni olib qo’yadi, sizlarning qalblaringizga esa vahnni soladi, dedilar. Shunda: Vahn nima? – deb so’ralgandi, u zot: Dunyoni yaxshi ko’rish va o’limni yomon ko’rish”, deb javob berdilar. Abu Dovud Savbondan rivoyat qilgan.
