Yevropada xavfsizlik va hamkorlik tashkilotining Ukrainada nazorat olib borayotgan kuzatuvchilari Rossiyadan Ukrainaga kirib kelayotgan yuk mashinalarida minomyotlar va raketa tizimlari borligini aniqlaganligi haqida xabar qildi.
Tashkilot tarafidan chiqarilgan bayonotda aytilishicha, nazorat olib borayotgan guruh vakillari rossiyaparast ayirmachilar nazorati ostidagi Donetsk mintaqasida 34ta yuk mashinasi ustidan tekshiruv o’tkazgan. Tekshiruv chog’ida yuk mashinalardan 19 tasida minomyotlar va raketa tizimlari borligini aniqlagan.
Donetskning 15 km sharqida joylashgan Sverdlov mintaqasida ketayotgan yuk mashinalari orasidagi 5ta furgon ichida raketa moslamalari va yana ikkita mashinada esa o’q-dori qutilari topilganligi bildirilmoqda. Shuningdek, Donetsning 41 km sharqida joylashgan Zugres shahri yaqinida ketayotgan 12ta yuk mashina ichida 122 millimetrlik minamiyotlar borligi aniqlangan.
O’t ochishni to’xtatish qarorini o’z ichiga olgan Minsk protokoli va memorendumi bo’lishiga qaramay, Ukraina sharqida davlat armiyasi va rossiyaparast ayirmachilar o’rtasida janglar davom etmoqda.
Yevropada xavfsizlik va hamkorlik tashkilotining doimiy kengashi Ukraina sharqidagi rossiyaparast ayirmachilar Rossiya tarafidan qurol yaroq bilan dastaklanib kelayotganligini da’vo qilib, Rossiya-Ukraina chegarasini nazoart ostiga olish maqsadida maxsus kuzatuvchilar missiyasini tashkil qilishga qaror qilgan edi.
AQSh Davlat departamenti vakli Jen Psaki Vashingtonda Rossiyaning ayrimachilarga tanklar va boshqa og’ir harbiy texnikalarni etkazib berayotganidan norozilik bildirdi. Psakining bildirishicha, Yevropada xavfsizlik va hamkorlik tashkilotining kuzatuvchilari rossiyaparast ayirmachilar tomonidan nazorat qilinayotgan Donetsk viloyati hududida og’ir tanklar jamlanayotganiga guvoh bo’lgan. Psaki Rossiya hukumatini Ukraina sharqidagi rossiyaparast ayirmachilarga qurol yaroq etkazib berish orqali yonayotgan olovga yog’ sepishlikda aybladi.
