Rasmiy safar bilan Xitoyga borgan Tojikiston prezidenti Imomali Rahmon o’z tashrifi davomida Xenan viloyati gubernatori Sie Fuchjan bilan Pekin shahrida uchrashdi.
Davlat rahbarlari matbuot xizmatining xabar qilishicha, Xenan viloyatida joylashgan kompanilar tojikistonlik ishbilanmonlar bilan yaqin hamkorlik qilish va yaqin vaqtlar ichida qishloq xo’jaliklari maxsulotlarini qayta ishlab chiqarishni yo’lga qo’yish niyatida ekanliklarini ma’lum qilishdi.
Uchrashuvdan so’ng Tojikiston va Xenan viloyati o’rtasida hamkorlik qilish to’g’risida memorandum imzolandi. Mazkur kelishuvga muvofiq xitoylik ishbilarmonlar Tojikistonda qishloq xo’jaligi maxsulotlarini qayta ishlab chiqarishni yo’lga qo’yish uchun 800 million dollardan ziyod mablag’ yotqizishadi.
Barcha mustamlakachi davlatlar kabi Xitoy hukumati ham “uchinchi olam” mamlakatlariga ko’rsatadigan “yordami” yoki yotqizadigan sarmoyalari faqatgina qishloq xo’jaligi, obodonlashtirish, madaniyat kabi hech qanday daromad keltirmaydigan, aksincha davlat va xalqni yanada ko’proq qarz botqog’iga botiradigan sohalargagina ajratiladi.
2013 yil yakunlariga ko’ra, Tojikistonning tashqi qarzi 2 milliard 161 million dollarni tashkil qilgan bo’lsa, 2014 yil birinchi yarim yilligiga kelib 2 milliard 200 million dollarni yoki respublika yalpi ichki maxsuloti (YaIM)ning 21,9 foizini tashkil etdi va bu qarz ko’lami to’xtovsiz oshib bormoqda.
