“Respublika” partiyasidan deputat Abdujapar Bekmatov, hukumat maktablarda hijob kiyish bilan bog’liq masalani uzil-kesil xal etishi kerakligini aytib o’tdi. Bu haqda Bekmatov 7 oktyabr kuni Jogorku Keneshning inson huquqlari, konstitutsiyaviy qonunchilik va davlat tuzilmalari bo’yicha bo’lib o’tgan yig’ilishida ma’lum qildi.
“Bu masala anchadan buyon ko’ndalang turipti. Me’yoriy-huquqiy xujjatlar ishlab chiqish zarur. Bu masalani yosh bolalarni o’ziga qo’yib berish to’g’ri emas”, – dedi Bekmatov.
Bosh vazir o’rinbosari Elvira Sarieva esa, mazkur muammoni xal etishni ikki yo’li borligini aytib o’tdi. “Agar qonun doirasida ko’rib chiqadigan bo’lsak, u holda tegishli me’yoriy-huquqiy xujjatlar ishlab chiqishimiz kerak bo’ladi. Ikkinchidan, masalani tarbiyaviy asosda ham ko’rib chiqish mumkin. Ammo ayrim hududlarda bu qarshiliklarni keltirib chiqarmoqda”, – dedi bosh vazir o’rinbosari.
Turkiston:
Bugungi kunda Qirg’iziston hukumatining Islom va musulmonlarga, islomiy ko’rinish hamda islomiy qadriyatlarga qarshi kurashdan boshqa ishi va muammosi qolmagan ko’rinadi.
Qaryib yarim yildan buyon O’sh shahri va viloyati aholisi gazsiz hayot kechirmoqda. Kunlar sovushi bilan aholiga beriladigan elektr energiyasi etkazib berishda ham uzilishlar, grafik bo’yicha o’chirishlar boshladi. Benzin esa kundan-kunga qimmatlab, taqchillashib, hatto Talas singari ayrim viloyatlarda yoqilg’i quyish shahobchalarida (YoQSh) benzin uchun navbatlar paydo bo’lmoqda.
Ammo hukumat bu muammolarni ko’rib-ko’rmaslikka, bilib-bilmaslikka olmoqda. Chunki hukumatning mazkur muammolarni xal etishga imkoniyati ham, xohishi ham yo’q. Bu hukumatning birdan bir tashvishi qanday qilib bo’lsa ham jamiyat ichida Islomni va islomiy ko’rinishlarni keng yoyilishiga yo’l qo’ymaslikdan iborat bo’lib bormoqda.
