Suriya hukumati AQSh va Arab davlatlaridan iborat koalitsiya kuchlarining Suriyaga uyushtirgan havo hujumlaridan mamnun ekanligini ochiqladi. Bu haqida Suriya tashqi ishlar vaziri Valid Muallim ma’lum qildi.
Kolitsiya hujumidan avval Valid Muallim Suriyaga qilingan har qanday hujum – agar rejim bilan maslahatlashmay amalga oshirilsa – bu hujumni o’zlariga qaritilgan hujum deb hisoblashini e’lon qilgan edi.
Biroq AQShning Nyu-York shahrida Assoshieyted Press axborot agentligiga intervyu bergan Suriya tashqi ishlar vaziri hujum uyushtirilishidan avval Suriyaga xabar qilinmaganligini ma’lum qilar ekan, bu ular uchun muammo tug’dirmaganligini xursand bo’lib tilga oldi.
Muallimning ta’kidlashicha, terrorizmga (Islomga) qarshi kurash Suriya hukumatini ham G’arb davlatlari va Arab davlatlaridan iborat ularning ittifoqdoshlari bilan bir qatorda ayni dushmanga qarshi jang qilishga tortmoqda
“Biz terrorchi (Islomiy) guruhlarga qarshi jang qilyapmiz. Bu ishimizdan faxrlanamiz. Suriya va Iroqdagi “terroristlar”ning makonlari nishonga olinadigan bo’lsa biz bundan mamnun bo’lamiz”, dedi Muallim.
Suriya tashqi ishlar vaziri Muallim havo hujumlarini Suriyadagi boshqa jihodiy guruhlarni ham nishonga oladigan shaklda kengaytirish taklifini o’rtaga tashladi. Uning ta’kidlashicha, rejimga qarshi jang olib borayotgan barcha guruhlar ayni “radikal ideologiya”ga egadirlar.
AQSh havo hujumida nishonga olinishi lozim bo’lgan guruhlar orasida Suriya ozod armiyasi ham bo’lishi yoki bo’lmasligi haqida berilgan savolga “Suriya ozod armiyasi degan narsa qolmadi”, deb javob berdi Muallim.
