Hizb ut-Tahrir-Suriya viloyati matbuot bo’limi ozod qilingan ba’zi mintaqalarni o’z ichiga olgan Halab shahrida ziyorat uyushtirdi. Ziyoratda matbuot bo’limi raisi professor Ahmad Abdulvahhob, markaziy aloqalar qo’mitasi a’zosi professor Abdulhamid Abdulhamid, matbuot bo’limi a’zosi professor Munir Nosir bir nechta ma’ruzalar va yig’inlar uyushtirdilar. Masalan, «Amerika loyihasi va unga qarshi kurash tarzi», «Nopok siyosiy mablag’ va uning qo’zg’olonga zararlari», «Musulmonni o’ldirish va qarshilik guruhlarining o’zaro jang qilishi haromligi», «Islomiy siyosiy loyihaning G’arbning ilmoniy loyihasiga qarshi kurashdagi ahamiyati» nomli. Ma’ruzalar Sakro mahallasidagi Abu Ubayda jomeida, Bo’stoni Qasr mahallasidagi Badr jomeida, Solihun mahallasidagi Jiloniy jomeida bo’lib o’tdi. Ma’ruzalarda aytilgan so’zlarning Amerika loyihasini fosh etishda, uni musulmonlar ongiga singdirish va unga qarshi kurashish tarzini ko’rsatib berishda ulkan ta’siri bo’ldi. Chunki odamlar ayni ma’ruzalardan ta’sirlanib, ularni takbiru tahlillar bilan qabul qildilar.
Shuningdek, matbuot bo’limi nopok siyosiy mablag’ va o’zaro jang qilishning haromligi to’g’risida ham qator nutqlar uyushtirdi. Bular Sakro mahallasidagi Uvaysul Qorniy jomeida, Ansoriy mahallasidagi Sa’d Ansoriy jomeida, Bo’stoni Qasr mahallasidagi Sukkar jomeida, Solihun mahallasidagi Umar ibn Abdulaziz jomeida hamda Sakro mahallasidagi Oisha jomeida bo’lib o’tdi. Bu nutqlar ham go’yo odamlarning tilidan chiqayotgandek va qalblari to’ridan joy olayotgandek, ularning roziliklari va qabul qilishlariga sazovor bo’ldi.
Matbuot bo’limi ayni ziyoratini Halab shahri maydonidagi ulkan vayronalar tepaligiga chiqish bilan yakunladi. Ushbu vayronalar tepaligi ayni shahardagi qo’llab-quvvatlovchi xalqdan o’ch olish va uni mujohidlardan ayrish maqsadida shaharning tinch aholisi boshiga yog’ilgan bombalar natijasida paydo bo’lgan.
Alloh Subhanahudan Shomdagi ahlimizni va barcha musulmonlarni qonlari to’kilishidan saqlashini hamda ushbu muborak qo’zg’olon nihoyasini Payg’ambarlik minhoji asosidagi to’g’ri yo’lni tutuvchi Xalifalikka olib borishini so’rab qolamiz.
Professor Ahmad Abdulvahhob
Hizb ut-Tahrir-Suriya viloyati matbuot bo’limining raisi Skype: TahrirSyria
Elektron pochta: media@tahrir-syria.info – ahmadabdalwahab2@gmail.com
Suriya viloyati rasmiy sayti: www.tahrir-syria.info
