Shanxay hamkorlik tashkiloti (ShHT) mintaqaviy aksilterror tuzilmasi (MAT) kengashining navbatdagi yig’ilishi 19 sentyabr kuni Tojikiston poytaxti Dushanbe shahrida bo’lib o’tdi. Unda Qozog’iston, Xitoy, Qirg’iziston, Rossiya, O’zbekiston, Tojikiston hamda ShHT MAT Ijroiya qo’mitasi vakillari ishtirok etdi.
Yig’ilishda ShHT mintanqaviy aksilterror tuzilmasining Mo’g’uliston, Eron va Afg’onistonning vakolatli organlari bilan hamkorlikni muvofiqlashtirishni ko’zda tutadigan hujjatlar ko’rib chiqildi va tasdiqlandi. Shuningdek, kun tartibiga kiritilgan boshqa masalalar ham muhokama etildi.
ShHT mintaqaviy aksilterror tuzilmasi kengashiga raislik Tojikistondan O’zbekistonga o’tdi. Kengashning keyingi yig’ilishi 2015 yilning mart oyida Toshkent shahrida bo’lib o’tadi.
