O’zbekiston xalq harakati (O’XH) tarqatgan xabarga asoslanib “SA-NEWS” nashrining ma’lum qilishicha, 27 avgust kuni Janubiy Qozog’iston viloyatining Sayram tumani Qoramurt qishlog’ida qozoqlar va o’zbeklar o’rtasida janjal kelib chiqqan.
O’XH manbasining bildirishicha, aholisining asosiy qismini o’zbeklar tashkil etuvchi Qoramurt qishlog’iga 150 ellik chog’li qozoq erkaklar kelib, o’zbek millatiga mansublarni do’pposlashgan, o’zbeklarga qarashli do’kon va to’yxonalarni toshbo’ron qilishgan. Hujum qilganlar mahalliy qozoqlardan bo’lmagani ta’kidlanmoqda.
Janjal oqibatida to’rt kishi kasalxonaga tushgan, ulardan birining qovurg’alari singan. Tasdiqlanmagan ma’lumotga ko’ra, Qoramurt qishlog’ida komendantlik soati joriy etilgan.
Total.kz nashri ham Qoramurtda yoshlar o’rtasida ommaviy mushtlashuv yuz bergani haqida xabar tarqatdi.
Hudosiz kommunistlar tomonidan Turkiston zamini bosib olingach azaldan bir Ummat bo’lgan musulmonlar o’rtasiga chegaralar tortilib sun’iy paydo qilingan besh respublikaga bo’lib tashlandi va ularni qayta birlashishlariga yo’l qo’ymaslik uchun millatchilik fikrlarini tiqishtirdi va turli xunrezliklarni amalga oshirdi.
1989 yili O’zbekistonning Farg’ona viloyatida sodir bo’lgan o’zbeklar va mesxeti turklar o’rtasida to’qnashuvlar yuz bergan bo’lsa, 1990 va 2010 yillarda Qirg’izistonda qirg’iz-o’zbek o’rtasida sodir bo’lgan milatlararo nizolar avj oldi. Bu ikki to’qnashuvlar natijasida yuzlab begunoh odamlar qurbon bo’ldi.
2014 yilga kelib esa qirg’iz-tojik o’rtasida ziddiyat kuchayib bordi. Bu ziddiyat natijasida o’nlab odamlar jarohat olib, bir necha kishi qurbon bo’ldi va bu ziddiyatlarning payooni hozircha ko’ringani yo’q.
Endi esa navbat o’zbek-qazoq o’rtasiga rahna solishga etib keldi.
Azaldan bir dinga e’tiqod qilib, bir Ummat vakillari bo’lib kelgan O’rta Osiyodagi musulmonlar ham o’z dinlarini haqiqati va mohiyatini bilmaganliklari sababli bu hokimlar va ularning mustamlakachi xo’jayinlari qo’lida o’yinchoq bo’lib kelmoqdalar.
O’rta Osiyo musulmonlari o’zaro ziddiyatlardan qutulishlari va yirik davlatlar qo’lida o’yinchoq bo’lishdan qutulishlari uchun mustamlakachi kofirlar o’z malaylari orqali musulmonlar zehniga singdirib tashlagan “millatchilik” va “vatanparvarlik” kabi tuban hamda chirik fikrlarni uloqtirib tashlab, yana qayta o’z Islomlariga qaytishlari, Allohning hukmlarini o’z hayotlariga tatbiq etishlari zarur.
Rosululloh sollallahu alayhi va sallam: “U (millatchilik)ni tashlanglar, chunki u sassiqdir”, deganlar.
Abdurahmon Odilov
29 avgust 2014 yil
