Rossiya, Qozog’iston va Belarus bosh vazirlari birinchi o’rinbosarlarining Yevroosiyo iqtisodiy qomissiyasi kengashining Moskva shahrida bo’lib o’tgan yig’ilishida Rossiya Federatsiyasi hukumat raisining birinchi o’rinbosari Igor Shuvalovning ma’lum qilishicha, Rossiya qirg’iz meva-sabzavotlariga qo’yilgan ta’qiqlarning barchasini bekor qildi.
“Biz qirg’iz meva va sabzavotlarining Rossiya Federatsiyasiga olib kirish bo’yicha barcha ta’qiqlarni bekor qilamiz, mabodo bu borada asoslanmagan holatlar yuz bersa menga murojaat qilinglar – ko’mak ko’rsatamiz”, – dedi Shuvalov.
Qirg’iziston Respublikasidan ushbu yig’ilishda mamlakat iqtisodiyot vazirining o’rinbosari Danil Ibraev ishtirok etdi.
Ibraevning so’zlariga ko’ra, Qirg’iziston ayni paytda ekologik xavfsiz maxsulotlar etkazib berish bo’yicha yuksak eksport salohiyatiga ega. Mamlakat nafaqat RF, balki barcha Bojxona ittifoqi davlatlariga go’sht, sut mahsulotlari, sabzavotlar, qovun-tarvuzlar, sharbatlar, meva va quritilgan mevalar, yong’oq, asal eksport qilishga tayyor.
Bundan tashqari Ibraev, BI davlatlarida Qirg’izistondan go’sht va go’sht mahsulotlarini import qilishga ta’qiq mavjudligini eslatib o’tdi va bu boradagi cheklovlarni olib tashlash taklifini o’rtaga tashladi. Muhokama natijasiga ko’ra ushbu masala RF tomonidan qo’shimcha ravishda ko’rib chiqiladigan bo’ldi.
Turkiston:
Bu albatta Rossiyaga olib kirilayotgan O’zbek meva va xom ashyolariga nisbatan Rossiya tomonidan, qo’lda olib kiritilayotgan meva va sabzavodlarga qo’yilgan ta’qiqdan keyingi xarakatlar. Ma’lumki Rossiya bilan O’zbekiston o’rtalarida, yashirin daxanaki jang bormoqda. O’zbekiston xukumati Rossiyaning infrastrukturasini izdan chiqarib yuborish maqsadida, o’z fuqorolarini , biometrik pasport olishlari shartini baxona qilib chaqirib ola boshladi. Bu xaqiqatda Rossiyaning infrasrtukturasiga qattiq zarba bo’lishi mumkin. Rossiyaning yuqoridagi meva va sabzavodlarga qarshi ta’qiqlari, Rossiyadan qaytayotgan fuqorolarini qanday qilib ish bilan ta’minlash to’g’risida bosh qotirayotgan O’zbek xukumatini, axolining asosiy tirikchilik manba’yi bo’lgan dexqonchilik va bog’dorchilik soxalariga bo’lgan zarbasi bilan, og’ir axvolga solib qo’ymoqchi. Bu albatta O’zbekiston tomonidan xam tegishli qarama qarshi xarakatlar bilan kutib olinadi. Chunki Karimov o’jarlikda O’zbek xalqining butunlay qirilib ketishigacha olib borishga tayyorligi ma’lum. Lekin Karimov G’arbning qandaydir shu muammoning bartaraf qilish loixalari asosida xarakat qilishi aniq. Ammo bu oddiy xalq uchun yanada battar xayot tarzlaridagi tubanlashish bilan amalga oshishi xam aniq. Rossiya xam, Ukraina muammosi ortidan yuz berayotgan yangi va yangi muammolar ustiga, migrantlar muammosiga duchor bo’lganidan xursand emas. Kamida 5 – 6 million O’zbek migrantlarining o’rnini Ukraina qochqinlari bilan to’ldira olmaydi. Ishchi kuchi bir necha barobar qimmatlaydi. Bu esa tovar va xizmatlarning tannarxlariga xam ta’sir ko’rsatishi aniq. Shuning uchun bu vaziyat Rossiya Qirg’iziston, Tojikiston va boshqa SNG davlatlariga qo’yilgan cheklovlarni barchasini qayta ko’rib chiqadi va juda ko’p cheklovlar olib tashlashga majbur qiladi.
