Qirg’iziston OAVlarining xabar qilishiga ko’ra, O’zbekiston Qirg’iziston hukumatini yagona energetika tizimidan chiqishi mumkinligi haqida ogohlantirdi. Agar O’zbekiston yagona energetika tizimidan chiqadigan bo’lsa, Qirg’iziston janubi elektr energiyasisiz qoladi, chunki Qirg’iziston janubi elektr tokini qo’shni O’zbekistonning elektr tarqatish tarmog’idan oladi.
Markaziy Osiyo respublikalarini kuch bilan mustamlaka qilib olgan xudosiz kommunistlar davlati bu respublikalar qaytib o’z ta’sir doirasidan chiqib ketmasligi, doimo bir birlariga qaram va o’zaro dushman bo’lib qolishlari uchun makkarona siyosat olib bordi. Qishloq xo’jaligi uchun asosan O’zbekiston foydalanadigan suv omborlarini Qirg’iziston xududida, Qirg’izistondan chiqadigan elektr tokini taqsimlash markazini O’zbekiston hududida yoki O’zbekistondan qazib olinadigan gazni saqlash uchun omborni Qirg’izistonda barpo etdi. Xudosiz kommunistlar faqat shu bilan kifoyalanib qolmay azaldan birodar va quda-anda bo’lib kelgan qardosh xalqlar uchun doimiy ziddiyat o’chog’ini ham paydo qilib ketdi. Mazkur respublikalarni chegara hududlarini belgilab berayotganida hududlarni huddi shaxmat taxtasi kabi joylashtirdi va So’x, Shoximardon, Varux, Barak… kabi anklav va eksklavlarni qoldirdi.
Sobiq tuzum qoldirgan “og’riqli nuqtalar” hozirgi kunga qadar tili bir, dini bir, mozori va bozori bir bo’lgan yagona Ummat o’rtasidagi mavjud jarlikni yanada chuqurlashtirish uchun mustamlakachi davlatlar va ularning malay hokimlari tomonidan unumli foydalanib kelinmoqda.
O’zbekiston hukumatining mazkur ogohlantirishini Qirg’iziston hukumatining Katta Namangan kanalini vaqtinchalik berkitishi mumkinligi haqida ma’lum qilganidan so’ng bunga nisbatan o’ziga xos bo’lgan javob chorasi sifatida baholash mumkin.
Qirg’iziston Bosh vazirining mudofaa, xavfsizlik va chegara masalalari bo’yicha o’rinbosari Abdurahmon Mamataliev 9 iyun kuni jurnalistlarga hukumat Katta Namangan kanalini vaqtinchalik berkitish masalasini ko’rib chiqishini xabar qilgan edi. Qirg’iziston hukumati shu yo’l orqali ikki oydan buyon O’shga gaz bermayotgan O’zbekistonga bosim o’tkazmoqchi bo’lgan edi.
O’zbekiston hukumati esa O’shga gaz berish evaziga Qirg’iziston bajara olmaydigan shartlarni qo’ymoqda. Bu haqida gaz ta’minoti masalasi yuzasidan 11 iyunda parlamentda yopiq eshiklar ortida bo’lib o’tgan muhokamalardan so’ng jurnalistlarga intervyu bergan deputatlar ma’lum qilishdi.
Mana shu ma’lumot ortidan qirg’iz matbuoti hukumatdagi ishonchli manbaga tayangan holda xabar qilishicha, “O’zbekiston O’shga gaz ta’minotini qayta tiklash evaziga Qirg’izistondan So’x anklaviga yo’lak ochib berishni va Norin GES kaskadlari qurilishini to’xtatishni talab qilmoqda”, degan ma’lumot paydo bo’ldi. Nomi sir tutilgan hukumat rasmiysining matbuotga bildirishicha, 2013 yilda Toshkentda chegara, gaz va suv masalalarini umumlashtirgan tarzda muzokaralar o’tkazish bo’yicha protokol imzolangan. Toshkent rasmiylari mana shu protokolga asoslangan holda Bishkekka o’z talabini bildirgan.
Mana shunday talab va bosimlar orqali rasmiy hukumat vakillari Markaziy Osiyoda o’zaro nufuz talashayotgan AQSh va Rossiya davlatlarini nog’orasiga o’ynab kelishyapti. Ikki o’rtada esa oddiy xalq aziyat chekmoqda.
O’zaro nufuz talashayotgan mustamlakachi davlatlarning zulm va istibdodlaridan qutulishni, fasod olib ketgan eski yaralarni davolashni yagona yo’li bu qardosh xalqlarni yana qayta bir Ummat bo’lib birlashshda va islomiy Xalifalik davlatini barpo etishlaridadir!
Xalifalik davlati Ummat ishlarini adolat va g’amxo’rlik bilan boshqarib, barcha Ummatga tegishli bo’lgan umumxalq mulkidan barcha fuqarolar birdek manfaatdor bo’lishlarini kafolatlab beradi hamda AQSh, Rossiya kabi davlatlar nufuzini Islom Ummati ustidan uloqtirib tashlaydi.
قال رسول الله صلى الله عليه وسلم المسلمون شركاء في ثلاث في الماء والكلإ والنار
Rosululloh sollallohu alayhi va sallam dedilar: “Musulmonlar uch narsada sherikdirlar: (oqar) suvda, o’t – o’lan, yaylovda va olovda”. Ahmad rivoyati
Abdurahmon Odilov
18 iyun 2014 yil
