Eron prezidenti Hasan Ruhoniy Turkiya prezidenti Abdulloh Gulning taklifiga binoan Anqaraga tashrif buyurdi. Eron rahbari Ruhoniy bilan Turkiya bosh vaziri Erdugon o’rtasida o’tgan uchrashuv ortidan taqdim qilingan mushtarak bayonotda ikki davlat o’rtasidagi tijorat hajmini oshirish uchun qarorlar qabul qilinganligi urg’ulandi. Qarorga ko’ra, tijorat hajmini 2015 yilga qadar 30 milliard dollarga etkazish ko’zda tutilgan
Shuningdek ikki davlat rahbarlari “terrorizm”ning barcha shakl va uslublariga, narkotik va qurol savdosiga, inson savdosi va noqonuniy muhojirlikka qarshi kurashda hamkorlikni kuchaytirish haqida muzokaralar olib borilgani bildirildi.
Turkiya hukumati o’zini Suriya xalqining do’sti deb da’vo qiladi. Eron esa butun dunyo ko’z o’ngida Suriya xalqini ayovsiz qirg’in qilayotgan Asad rejimini ochiq suratda qo’llab kelmoqda. Gohida minbardan turib bir birini ayblab kelayotgan ikki rahbar bugunga kelib “Terrorizmga qarshi kurash” uchun uchrashuv o’tkazmoqda.
Turkiyadagi Hizbut Tahrirning faol a’zosi Mahmud Kar “terrorizmga qarshi kurash” masalasi – bu “Islomga qarshi kurash” ekanligini yoritar ekan, manfaat ustida bir biri bilan kelisha olmaydigan davlatlarning yagona dushmani kim bo’lishi mumkinligiga e’tiborni tortadi.
“Turkiya bilan AQSh o’rtasida “terrorizmga qarshi kurash”da hamkorlik qilish bitimi borligi hech kimga sir emas. Turkiya bilan Isroil o’rtasida ham halqaro aloqalar asosida “terrorizmga qarshi kurash” kelishimi mavjudligi barchaga ma’lum. Rossiya va O’rta Osiyo davlatlaridan boshpana izlab kelgan yuzlagan musulmonlar “terrorizmga qarshi kurash” bitimiga ko’ra Turkiya hukumati tarafidan vataniga qaytarildi, vaholangki ularni u erda o’lim yoki qamoq kutib turipti. Turkiya bilan Pokiston va Afg’oniston o’rtasida imzolangan “Terrorizmga qarshi kurash” masalasida hamkorlik qilish bitimlarini aytmasak ham bo’laveradi. Mana endi Eron bilan ham “terrorizmga qarshi kurash”da hamkorlik qilish ustida gap ketmoqda. Xo’sh, bu strotegik hamkorlik kimga qarshi amalga oshirilmoqda?! Bir vaqtning o’zida AQSh, Rossiya va boshqa mintaqa davlatlari hamda Eron davlati uchun birdek dushman bo’lgan kim o’zi?! Bu savolning javobi o’z-o’zidan ma’lum”, deydi Mahmud Kar.
“E’tibor bering, Eron prezidenti Turkiya vazirlar mahkamasida o’tkazilgan matbuot yig’inida unga berilgan bir savolga “Suriyada qon oqishi to’xtasin. Janglar to’xtasin. Terrorchi guruhlar u erdan chiqib ketsin. Suriyaning kelajagi xalqning qo’liga o’tsin. Ha, men Bashar Asadni saylovda g’alaba qozonganligi bilan tabrikladim”, deb javob berdi. Mana shu paytda bosh vazir Erdugon unga “to’xtang, bir minut, aslida terrorist davlat sizning o’zingiz. Siz Suriyada musulmonlarning qonini to’moqdasiz. Avval siz terrorist Hizbulloh askarlarini Suriyadan chiqaring”, deyishi kerak emasmidi?!”, deya qo’shimcha qiladi Hizbut Tahrirning faol a’zosi Mahmud Kar.
