Qirg’iziston poytaxti Bishkek shahrida yashovchi 1960 yilda tug’ilgan muslima opamiz Kinchakboeva Sayraxon Kenjetaevna 2014 yilning 27 mart kuni Bishkek shahar Pervomaysk tuman sudiga chaqirtirildi va hech qanday asossiz chiqarilgan sud qarori bilan Bishkek shahridagi 1 sonli vaqtinchalik saqlash hibsxonasiga qamab qo’yildi.
Bu muslima opamizni Qirg’iziston jinoyat kodeksining 299 – (etnik, diniy va millatlararo nizo keltirib chiqarishga urinish) moddasi, xususan Hizb ut-Tahrir islomiy siyosiy partiyasiga a’zolikda ayblashmoqda. Kinchakboeva Sayraxon opamiz ikkinchi guruh nogironi bo’lishiga qaramay bir o’zi ayol boshi bilan besh nafar farzandni, to’rt o’g’il va bir qizni tarbiyalab, voyaga etkazib kelgan. Uning yagona qizi ham o’zi singari ikkinchi guruh nogironi bo’lib, onasining doimiy e’tiboriga muxtoj, o’zi yolg’iz harakatlana olmaydi. Ammo bu muslima opamiz oilaning yolg’iz boquvchisi, qaramog’ida kasalvand qizi bo’lishiga qaramay MXDQ xodimlari va Pervomaysk tuman sudi har qanday insoniy tuyg’ularni bir chetga surib qo’yib Sayraxon opamizni hech bir asossiz qamoqqa tashladi va u hozirga qadar qamoqda ushlab turilipti. Ayni vaqtda mazluma opamiz tibbiy ko’rik va davolanishga muxtoj, chunki bu muslima opamizdagi kamqonlik kasali oqibatida qo’llaridagi tirnoqlari tushib ketgan va qon bosimi ham juda pastlab ketgan.
Opasi va farzandlari tomonidan tegishli davlat idoralariga muslima opamizga tibbiy xizmat ko’rsatishni so’rab qilgan barcha murojaatlari javobsiz qolmoqda, hukumat ham bunga hech qanday e’tibor bermay kelmoqda.
Barcha olamlar Robbisi Buyuk Allohga hamdu sanolar bo’lsin bu muslima opamiz yolg’iz, ikkinchi guruh nogironi bo’lishga qaramay to’rt o’g’il va bir qizini iymonli, Allohdan qo’rquvchi haqiqiy musulmon qilib tarbiyaladi.
Atambaev hukumati o’g’ri, qaroqchi va qotillarni hech ikkilanmay ozodlikka chiqarayotgan bo’lsada, Robbim Alloh degan musulmon erkak va ayollarni qamoqqa tashlamoqda. Muslima opamiz Kinchakboeva Sayraxondan so’ng rasmiy hukumat shahid birodarimizning qizi Omonova Zulfiyani ham qamoqqa olgan, qaryib ikki oy qamoqda saqlagandan so’ng, Zulfiyaga nisbatan ehtiyot chorasi 20 may kuni uy qamog’iga almashtirilgan, 27 may kuniga belgilangan sudning navbatdagi ishi 4 iyunga qoldirilgan edi. Qirg’iziston hukumati Islomga qarshi kurashida hozirga qadar erkaklarni qamoqqa tashlayotgan bo’lsa endilikda esa asta-sekin muslima opa-singillarimizni ham qamoqqa olmoqda.
Xalqimizda “chillaki chillakini ko’rib chumak o’radi” degan hikmatli gap bor. Qirg’iziston prezidenti Almazbek Atambaev ham o’z qo’shnisi O’zbekiston qonxo’ri yahudiy Karimovga o’xshab Islom va musulmonlarga qarshi kurashini kuchaytirib bormoqda. Qotil Karimov Islom va musulmonlarga qarshi umumiy kurashini boshlagan vaqtda, “Biz bu yo’lda ayollar va yosh bolalarga qarshi kurashmaymiz”, deb lof urgan edi. Biroq bugungi kunda O’zbekistondagi ayollar qamoqxonasi Robbim Alloh, insonlar Alloh nozil qilgan qonunlar asosida yashashi kerak, deb bilishdan boshqa gunohi bo’lmagan muslima ayollar bilan to’lib yotipti. Faqat bu ikki prezident o’rtasidagi farq shundan iboratki, Karimov musulmonlarga nisbatan e’tiqodiy dushman bo’lib, Islom dini rivojiga qarshi o’z ixtiyori bilan chin ko’ngildan kurashayotgan bo’lsa, Atambaev esa bu kurashga o’z xojasi Rossiyani rozi qilish, uning talablarini bajarish uchun kirishmoqda va bu kurashini majburiyat ostida amalga oshirmoqda, deb bilamiz.
Shu sababdan biz prezident Almazbek Atambaevni bu dunyo matosi va amaliga ega bo’laman, deb Ohiratini kuydirmaslikni, Islom va musulmonlarga qarshi kurashish o’rniga, o’zi ham iymon keltirgan Islom dini rivoji uchun hissasini qo’shishga, bandasini rozi qilaman, deb Allohga osiy bo’lishdan saqlanishga chaqiramiz!
Abdurahmon Odilov
4 may 2014 yil
