Rasmiy safar bilan Tojikistonga kelgan AQSh tashqi ishlar vazirining Janubiy va O’rta Osiyo bo’yicha mas’ul yordamchisi Nisha Desai Bisval AQSh hukumati Tojikistonga harbiy yordam ko’rsatishga qaror qilganligini bildirdi.
Tojikistonda yuqori martabali mas’ullar bilan uchrashgan Bisvalning ta’kidlashicha, AQSh terrorizm (siyosiy Islom), narkotik moddalarning noqonuniy savdosi va boshqa xalqaro jinoyatlarga qarshi kurashda Tojikiston xavfsizlik kuchlariga yordam qo’lini cho’zishga qaror qilgan.
Shuningdek, Nisha Desai Bisval Dushanbeda Tojikiston prezidenti Emomali Rahmonov bilan ham uchrashdi. Uchrashuv chog’ida ikki mamlakat o’rtasida siyosiy, iqtisodiy, tijoriy va ta’lim tarbiyaviy sohada hamkorlik qilishga kelishib olindi. Xususan taraflar o’rtasida mintaqa xavfsizligi mavzusi va Afg’onistondagi xalqaro koalitsion bosqinchi kuchlarining olib chiqib ketilishi ortidan mintaqadagi vaziyatning barqarorligi uchun oldindan ko’riladigan chora tadbirlar muhokama qilindi.
AQSh diplomati Tojikiston prezidenti Imomali Rahmonovga Afg’oniston bosqinida yordamchi bo’lganligi uchun tashakkur bildirdi.
Turkiston:
AQSh, Markaziy Osiyo davlatlarining ayanchli vaziyatlaridan foydalanib, ularga iqtisodiy, siyosiy va xarbiy tomonlama ulkan sharaitlar yaratib bera olishi mumkinligini bayon qiladi. U Rossiya qilib bera olmaydigan, katta mablag’lar talab qiladigan loixalarni taklif qiladi. Buni AQSh, o’ziga ergashgan bir necha davlatlarni misolida voqe’da ko’rsatib bera oladi. Buning bilan AQSh Tojikistonni o’z domiga torta olmasa xam, uni Rossiya bilan o’rtasini bir muncha sovuqlashtirishi mumkin. Chunki Tojikiston Rossiyaning bosimi ostidagi davlatlar turkumidan bo’lib, AQSh tomonidan ko’rsatiladiga mulozamatlar uni fitnalantirishi mumkin. Bundan tashqari Rog’un GESi loixasining xayotda amalga oshishi xam AQShga bog’liq bo’lib turibdi. Rossiya bu loixani yurgiza olmadi.
