O’zbekiston Respublikasi prezidenti Islom Karimovning taklifiga binoan Latviya Respublikasi prezidenti Andris Berzinsh 2014 yil 27-29 may kunlari rasmiy tashrif bilan O’zbekistonga keladi.
Rasmiy xabarga ko’ra, tashrif doirasida ikki davlat rahbarlari siyosiy, savdo-iqtisodiy, madaniy-gumanitar va boshqa sohalardagi o’zaro hamkorlikning bugungi holati va uni yanada rivojlantirish istiqbollarini muhokama etadilar, dolzarb mintaqaviy va xalqaro masalalar yuzasidan fikr almashadilar.
Muzokaralar yakunlari bo’yicha ikki davlat rahbarlarining Qo’shma bayonotini qabul qilish, O’zbekiston va Latviya o’rtasida turli sohalardagi hamkorlikka oid qator hujjatlarni imzolash mo’ljallanmoqda.
Turkiston:
Biror bir davlatning rahbari boshqa bir davlatga tashrif buyuradigan bo’lsa, mazkur uyushtirilayotgan tashrifni rasmiyatchilik tomonlari xabar qilinadi xolos. Ammo bu rahbarni tashrifi va bu tashrifidan ko’zda tutilgan asosiy maqsadlar haqida bir og’iz ham aytilmaydi. Latviyani NATO tashkilotiga a’zoligi va bugungi kunda Afg’onistonda
Latviyaning tahminan 130ga yaqin harbiylari bosqinchilik urishlarida ishtirok etayotganini hisobga oladigan bo’lsak, Latviya prezidenti Andris Berzinshning O’zbekistonga uyushtiradigan rasmiy safaridan ko’zda tutilgan asosiy maqsadi o’z qo’shinlarini O’zbekiston hududi orqali olib chiqib ketish to’g’risida kelishuvga erishishdan iborat bo’lishi mumkin.
Bundan tashqari Islom Karimovning 2013 yil oktyabr oyida Latviyaga qilgan safari tafsilotlari xaqida O’zbekiston axborot vositalari hech qanday jo’yali xabar bermagan edi. Karimov bu tashrifi orqali Latviya davlati vositachiligida Yevropa Ittifoqi bilan bo’lgan aloqalarni tiklamoqchi bo’lgan edi. Ammo Karimov uchun bundan ham muxumroq bo’lgan masala Latviya erlarida qiziga nisbatan boshlangan jinoiy tekshiruvlarni tekkislashdan iborat bo’lganligi ham ehtimoldan yiroq emas edi. Shunday qilib, u qizi Gulnorani qutqarib olish yo’lidagi berkitilgan eshiklardan birini ochishga urinmoqchi bo’lgan bo’lishi mumkin edi.
Latviya prezidentini O’zbekistonga uyushtiradigan mazkur safarida bu masala ham ko’tarilishi mumkin.
