Allohning izni bilan shahidlik martabasiga erishgan birodarimiz Omonov Hamudullohning jasur va sobitqadam qizi Zulfiya Omonova 20 may kuni qamoqdan bo’shatildi. Muslima singlimizga nisbatan qo’llanilgan ehtiyot chorasi uy qamog’i bilan almashtirildi. O’sh shahar sudining navbatdagi yig’ini 27 may soat 15:00ga belgilandi.
Muslima singlimiz Omonova Zulfiya o’z qat’iyati va zolim oldida haq so’zni aytishdan cho’chimasligi bilan barcha musulmonlarga ibrat namunasini ko’rsatdi. Biz Buyuk Allohdan bu singlimizni bundan buyon ham O’z hifzu himoyasida saqlashini, O’zining haq yo’lidan adashtirmasligini va butunlay oqlanib chiqishga muvaffaq qilishini so’raymiz. Qirg’izistonda faoliyat olib borayotgan Hizb ut-Tahrir a’zolari bu muslima singlimiz himoyasi uchun tashkillashtirilgan kampaniyada faol ishtirok etgan, o’z duosi va hamdardligi bilan hissasini qo’shgan butun olamdagi barcha musulmonlarga o’z minnatdorchiligini bildiradi va sizlarni Alloh O’zining jannati va nusrati bilan mukofotlashini so’rab qoladilar.
Omonova Zulfiya himoyasi uchun tashkillashtirilgan mazkur kampaniya Rasululloh sollallohu alayhi va sallam aytgan: “Mo’minlarni o’zaro mehr-muhabbatda bir tanadek ekanlarini ko’rasiz. Agar tanada biron a’zo kasallansa, undagi boshqa a’zolar bedorlik va isitma bilan unga hamdard bo’lishadi”. (Buxoriy va Muslim rivoyatlari) so’zlari naqadar haq ekanligini va agar musulmonlar Alloh rizosi yo’lida bir maqsad atrofida birlashsalar nimalarga qodir ekanliklarni yana bir bor ko’rsatib turipti.
Ammo musulmonlar o’zlari erishgan bu natija bilan cheklanib qolmasliklari kerak. Aksincha, nafaqat musulmonlarni balki butun insoniyatni kapitalistik tuzum olib kelgan balo va musibatlardan xalos etuvchi Xalifalik davlatini barpo etish yo’lida ham shunday bir tanu bir jon bo’lib harakat qilishlari zarur. Ana shundagina Alloh Taolo musulmonlarni O’zining haqiqiy nusrati bilan mukofotlaydi hamda o’tmishda bo’lgani kabi kelajakda ham butun insoniyat uchun hidoyat mash’ali bo’lgan Islom dinini rahmat va mag’firat sifatida ko’tarib chiqishga va o’z zimmalariga Alloh subhanahu Taolo va payg’ambarimiz Muhammad sollallohu alayhi va sallam tomonidan yuklangan ulkan vazifani bajarishga muvaffaq bo’ladilar. Buning mukofoti esa bu dunyoda azizlik, Oxiratda esa Allohning roziligidir.
Shu bilan birga Qirg’izistonda faoliyat olib borayotgan Hizb ut-Tahrir Siz aziz musulmonlarni bundan ikki yildan oshiq vaqt oldin Pokiston kuch organlari tomonidan nomardlarcha o’g’irlab ketilgan va hozirga qadar qaerdaligi aniq bo’lmagan Hizb ut-Tahrirning Pokistondagi rasmiy notig’i Navid Battni ozod qilish uchun boshlangan kampaniyada ham faol ishtirok etishga chaqiradi.
Abu Hurayra raziyallohu anhudan rivoyat qilingan hadisda: Rasululloh sollallohu alayhi va sallam dedilar: “Kim bir mo’minning bitta dunyoviy tashvishini aritsa, Alloh taolo uning Qiyomat kunidagi tashvishlaridan birini aritadi. Kim qiynalgan kishiga engillik keltirsa, Alloh taolo unga dunyoyu Oxiratda engillik beradi. Modomiki, banda birodarining yordamida ekan, Alloh taolo uning yordamida bo’ladi…”. (Muslim rivoyati)
Abdurahmon Odilov
Hizb ut-Tahrirning Qirg’izistondagi matbuot bo’limi a’zosi
