Ukraina Islom hamkorlik tashkilot (IHT)iga a’zo bo’lish uchun murojaat qilmoqchi. Bu haqida qrim tatarlar etakchilaridan biri va xalq deputati Mustafo Jamilev xabar qildi.
Jamilev, ikki kun oldin Saudiya Arabistonida mazkur tashkilot bosh kotibi bilan uchrashganini xabar qildi. Uchrashuv mobaynida Ukrainani tashkilotga a’zo bo’lish masalasi muxokama qilingan.
Jamilevning so’zlariga ko’ra, Islom hamkorlik tashkiloti rahbariyati, mazkur masala yuzasidan Ukraina rasmiylari ariza bilan murojaat qilishi zarurligini aytgan.
“Shu sababli men etib kelganim hamon Yatsenyuk (Ukraina bosh vaziri) bilan uchrashdim. Hozir farmoyish tayyorlanmoqda. Bu juda ham muhim, chunki 56 davlatga ta’sir o’tkazish, ikkinchidan esa, etarlicha quvvatga ega bo’lgan Islomiy bank imkoniyatlaridan foydalanish mumkin bo’ladi”, – dedi Jamilev.
Shuningdek Jamilev, Ukraina IHT bosh kotibining qo’lloviga tayanishi mumkinligini aytib o’tdi. “Bosh kotib qo’llab-quvvatlashini ma’lum qildi, ammo bu tashkilotda qarorlar bir ovozdan qabul qilinishini ham ham aytib o’tdi. Muammoli davlatlar ham bor. Ta’sir kuchiga va ko’p narsalar ular qabul qilgan qarorga bog’liq bo’lgan Saudiya Arabistoni, Turkiya va Eron singari davlatlar ham bor. Ammo biz Ukrainani qabul qilishadi, deb umid qilamiz”, – dedi Jamilev.
Shuningdek Jamilev, iyun oyida bo’lib o’tadigan Islom hamkorlik tashkilotiga a’zo davlatlarning Tashqi ishlar vazirlari uchrashuviga taklif qilishganini qo’shimcha qilib o’tdi.
