Isroil bosh vaziri Binyamin Netanyahu Turkiya bilan Isroil orasidagi aloqalarning avvalgidek yaxshi bo’lishi orzusidagi ekanligini bildirdi.
Netanyahu Iroil janubida joylashgan Eylat shahrida o’tgan hafta Qizil dengizda Isroil tarafidan qo’lga olinib musodara qilingan kemadan chiqqan qurollar borasida chet el jurnalistlari uchun matbuot anjumani tashkil qildi. Matbuot anjumani izidan Bosh vazir axborot agentliklari orqali Turkiyaga murojaat yo’lladi.
“Turk halqiga shuni aytmoqchimanki, Turkiya bilan aloqalarimiz avvalgidek yaxshi bo’lishini istaymiz”, dedi Isroil bosh vaziri Binyamin Netanyahu.
Jurnalistlarning Isroil – Turkiya aloqalariga bog’liq “yaqin zamonda biror kelishuv yuz beradimi”, degan savoliga “Umid qilamanki, bo’ladi”, deb javob berdi bosh vazir.
