Rossiya tashqi ishlar vaziri Sergey Lavrov frantsiyalik hamkasbi Loran Fabius bilan telefon orqali O’kraina va Qirim avtanom respublikasidagi vaziyat xususida gaplashib olishdi. Rossiya tashqi ishlar vazirligi Fabiusning Lavrovga qo’ng’iroq qilganligini aytib, so’zlashuv Frantsiya tashabbusi bilan amalga oshganligini bildirdi.
Kecha Frantsiya hukumati – agar Moskva Qirim borasida hozirgi pozitsiyasida qattiq turib olsa – o’tgan haftada boshlagan Rossiyaga nisbatan iqtisodiy sanktsiya joriy qilish masalasini yana bir ko’targan edi.
G’arb davlatlari Moskvadan Kiev bilan muzokaralar stoliga o’tirishni talab qilmoqda. Moskva esa Ukraina yangi hukumatini noqonuniy deb tan olmasligini aytmoqda. Moskvaga ko’ra, yangi hukumat Yanukovichni kuch bilan taxtdan qulatib, konstitutsiyaga zid ravishda hokimiyatni egallab olgan.
AQSh davlat kotibi Jon Kerri Rossiyaga nisbatan sanktsiya joriy qilishga Amerikaning rag’bati yo’qligini bildirdi. Kerrining ta’kidlashicha, G’arb davlatlari va Qo’shma Shtatlar Ukraina masalasida Rossiyaga sanktsiya joriy qilish ehtimoli Suriya va Eron masalasiga salbiy ta’sir qilishi mumkin.
“Biz Rossiyaga sanktsiya joriy qilish biror kishiga foyda keltiradi, deb o’ylamaymiz”, dedi AQSh davlat kotibi.
Rossiya mas’ullari ham bu sanktsiya uni qo’llamoqchi bo’lganlarning o’ziga zarar keltirishini va Moskva ham bunga kerakli javob qaytarishini aytib, bir necha bor tahdidli bayonotlar berishdi.
