Iordaniya qiroli Abdulloh bir nechta arab o’lkalari orasida yuzaga kelgan diplomatik kelishmovchilikni hal qilishda vositachalik qilish niyati borligini bildirar ekan, bu borada AQShdan yordam so’radi.
Diplomatik manbalardan olingan xabarlarga ko’ra, qirol Abdulloh juma kuni Iordaniyaning janubida joylashgan Aqaba shahrida AQSh davlat kotibi Jon Kerri bilan uchrashgan. Uchrashuv mobaynida qirol Abdulloh Saudiya, Bahrayn va Birlashgan Arab Amirligining elchilarini Qatardan olib chiqilishiga sabab bo’lgan diplomatik inqirozni hal qilish uchun AQShdan yordam so’ragan.
Qirol Abdullohning arab davlatlari o’rtasida yuzaga kelgan kelishmovchilikni hal qilishda Iordaniya davlatining vositachi bo’lishini istayotganligini bildirgan diplomatik manbalarga ko’ra, qirol Abdulloh AQShdan o’zining bu rolini dastaklashni talab qilgan. Shuningdek bu manbalar Kerri va qirol Abdullohning Aqaba shahrida Qatar, Saudiya, Bahrayn va Birlashgan Arab Amirligining elchilari bilan bir joyga to’planganligi, ammo uchrashuvda bir kelishimga erishilmaganligini ham ma’lum qildi.
AQSh davlat kotibi Jon Kerrining Ko’rfazdagi diplomatik inqirozni hal qilish uchun kuch sarflayotganini qayd etgan manbalarga ko’ra, Saudiya hukumati “Oralaridagi muammoga aralashmaslik” borasida Iordaniyani ogohlantirgan.
Saudiya Arabistoni, Birlashgan Arab Amirligi va Bahrayn davlatlari mushtarak bayonot berib, Qatardagi elchilarini chiqarib olishga qaror qilganligini ma’lum qilgan edi. Ularga ko’ra bu ish Saudiya poytaxti Riyodda tashkil qilingan “Ko’rfaz hamkorlik kengashi” yig’ilishida qabul qilingan qarorlarga muvofiq amalga oshirilgan. Qatar esa bu qarordan hayron va mahzun ekanligini bildirib, yuqorida aytib o’tilgan davlatlardan elchilarini olib chiqmasligini bildirgan edi.
