Prezidentning matbuot xizmati xabar qilishiga ko’ra, Tojikiston prezidenti Imomali Rahmon AQSh davlat kotibining Janubiy va Markaziy Osiyo bo’yicha yordamchisining birinchi o’rinbosari Richard Xouglend bilan bo’lib o’tgan uchrashuvi davomida tojik-amerika hamkorligining istiqboldagi vazifalari muhokama qilindi.
“Tomonlar asosiy e’tiborni Afg’onistondagi hozirgi va ittifoqchi kuchlarni bu mamlakatdan olib chiqib ketilganidan so’ng vujudga kelishi mumkin bo’lgan ehtimoliy vaziyatga qaratishdi. Shuningdek AQShning shaxsiy va davlat investitsiyalarini Tojikiston iqtisodiga kiritish masalalari ham muhokama qilindi”,- deyiladi xabarda.
Bundan tashqari elektr energiyasini eksport qilish bo’yicha CASA-1000 loyihasini moliyalash imkoniyatlari ham ko’rib chiqilgan.
Turkiston:
Tojikiston respublikasiga AQSh davlat kotibining yordamchisi kelgan bir vaqtda O’zbekistonda istefodagi general Jozef Xoar boshchiligidagi AQSh milliy mudofaa universiteti tinglovchilari o’z safarlarini davom ettirishayotgan edi.
Afg’onistondan o’z kuchlarini olib chiqib ketishida AQSh hukumati uchun O’rta Osiyo davlatlari eng xavfsiz va eng qulay yo’l bo’lib turipti. Shuning uchun ham mazkur respublikalarda sodir bo’layotgan har qanday qonun buzilishlari va inson haqlari poymol bo’lishiga hech qanday e’tibor bermaslikka va bu narsalarni ko’rmaslikka harakat qilishmoqda.
Chunki bu mustamlakachi davlatlar barcha ishlarini moddiy manfaat ustiga barpo etishadi. Moddiy manfaat bor erda barcha narsadan, hatto, o’z qadriyatlari va g’oyalaridan ham voz kechishga tayyor.
Bundan tashqari Qirg’iziston Rossiya bosimi ostida “Manas” aerodromidan AQSh harbiy bazasini chiqarib yuborishga harakat qilayotgan bir vaqtda AQSh uchun O’rta Osiyo respublikalaridan birida o’zi uchun harbiy baza barpo etishi juda ham muhim. Shuning uchun ham bu kapitalistik davlatlar rasmiylari O’rta Osiyo davlatlariga biri qo’yib, biri olib “bo’zchini mokkisidek” qatnab yotishibdi.
