Damashqdan janubiy-g’arb tomonda joylashgan, Suriya hukumat armiyasi tarafidan qamal qilingan Moadamiet al-Shom shaxrini bir yildan buyon egallab kelgan muxolifat guruhi hukumat bilan tinchlik kelishimiga imzo chekdi.
France-Presse agentligi xabar qilishicha, shaxar uzra 72 soatga mamlakat rasmiy bayrog’i ko’tarilgan. Buning evaziga hukumat payshanba kuni shaxar xalqini oziq-ovqat va tibbiy yordam bilan ta’minlashga va’da qilgan.
Shuningdek Suriya al-En agentligiga ko’ra, shundan so’ng qo’zg’olonchilarning qurollarini topshirishligi ham kutilmoqda. Ularning bir qismi, muhlati shu yilning oxirigacha davom etuvchi prezident amnistiyasidan foydalanishga tayyor ekanliklarini bayon qilishgan.
