Rossiya tashqi ishlar vaziri Sergey Lavrov AQShlik hamkasbi bilan kelgusi kunlarda uchrashishga kelishib olganligini e’lon qilar ekan, Moskva Suriya hukumatini qarshilik harakati bilan birlashib Suriyadagi Islomiy guruhlarga qarshi kurashishga chaqirishini bildirdi.
Tashqi ishlar vaziriga ko’ra, Suriya hukumati mu’tadil qarshilik harakati bilan bir bo’lib, Islomiy harakatlarga qarshi kurashni boshlash kerak. Buning uchun Jeneva konferentsiyasini kutib o’tirishning ham keragi yo’q. Chunki ular nafaqat Suriyadagi, balki butun mintaqadagi boshqaruvni o’zgartirishga harakat qilishmoqda.
“Suriyada birinchi qilinadigan ish Asadni hokimiyatdan chetlatish emas, balki Islomiy kuchlarga qarshi kurashishdir” deya ta’kidladi u.
Rossiya hukumati Damashqning hech qanday shartlarsiz Jeneva muzokaralariga tayyor ekanligini maqtovga loyiq ekanligini ma’lum qilgan Lavrov, “qarshilik harakatidan ham ayni pozitsiyaga erishish uchun harakat qilyapmiz”, dedi.
Sergey Lavrovning ta’kidlashicha, agar qarshilik harakati safidan Jeneva konferentsisi uchun elchilik tashkil qilishning imkoni bo’lmasa boshqa elchilik haqida izlanish lozim bo’ladi. “Agar Amerikalik do’stlarimiz qarshilik harakati tarafidan bir elchilikni tashkil qilish imkoniga ega bo’lsalar buni olqishlaymiz. Agar bunday elchilikni tashkil qilish imkoni bo’lmasa Suriya xalqidan vakil bo’ladigan boshqa shakl haqida izlanish kerak bo’ladi”, dedi u.
