Misr yaqin vaqt orasida Rossiyadan eng zamonaviy qurol-yaroq sotib olishi va birinchi bitimning miqdori 4 milliard dollarni tashkil etishi mumkin.
Falastinda chop etiladigan “Dunyo al-Vatan” nashrining xabardor manbalarga tayangan holda ma’lum qilishicha, Fors davlatlaridan biri bitimlardagi barcha to’lovlarni Qohira uchun to’lashlikni o’z zimmasiga olishga rozi bo’lgan.
Manbani ta’kidlashiga ko’ra, Moskva Qohiraga “ avval juda kam holatlarda kuzatilgan, xaridorga hech qanday cheklovlarsiz eng zamonaviy qurol-yaroqlarni tanlash huquqini berib, tarixiy bitim tuzishni” taklif qilgan.
Misr va Rossiya o’rtasida tuzilishi mumkin bo’lgan qurol-yarog’ bitimi to’g’risidagi xabar, Qohiraga Rossiya hukumat vakillarining safari arafasida paydo bo’ldi. Rossiya mudofaa vazirligidagi manbani xabariga ko’ra, mudofaa vaziri Sergey Shoygu boshchiligidagi delegatsiya 12 noyabrdan 15 noyabrgacha Serbiya va Misrga rasmiy safar bilan borishadi. Rossiya delegatsiyasi tarkibida harbiy-texnik hamkorlik bo’yicha Federal xizmati boshlig’ining birinchi muovini Andrey Boytsov va “Rosoboroneksport” vakillari bo’lishadi.
