Bashar Asadga eng yaqin shaxslardan sanalgan sobiq mudofa’a vaziri Ali Habib Mahmud Turkiyaga qochib o’tdi. Bu haqida Suriya milliy koalitsiyasining yuqori darajali vakili ma’lum qildi.
Bundan avval Asadga yaqin sanalgan shaxslardan biri, Halabdagi kimyoviy kurol ishlab chiqarish markazini boshqarib kelgan Abduttavvab Shahrur ham Turkiyaga qochib o’tgan edi
Ali Habib Mahmudning armiyaga oid bir qancha ma’lumotlar va Suriyaning to’rt tarafida joylashgan kimyoviy markazlar hamda raketa omborlari haqida ma’lumotni ochiqlashi kutilmoqda.
Ali Habib Mahmud Suriya prezidenti Bashar Asadni insoniyatga zulm qilishda aybladi. “Men ham Baas partiyasining a’zosiman. Ammo Asad amalga oshirayotgan zulmlarning bir siyosiy jihati yo’q. Qilinayotgan ishlar insoniylikka to’g’ri kelmaydi. Uzoq vaqt qochish uchun fursat poyladim”, dedi u.
Milliy koalitsiyasi matbuot vakili Xolid Solihning ma’lum qilishicha, Halabdagi kimyoviy qurol ishlab chiqarish markazining mas’uli bo’lgan hamda sud tibbiyot institutining boshida turgan Abduttavvob Shahrur ham Istambulga kelgandan so’ng muhim ma’lumotlar taqdim qilgan. U taqdim qilgan bayonotda “21 avgustda maydonga chiqqan qatliomga 25 000 qimyoviy antibot qo’llanildi. 100 000 dona antibot esa Asadning buyrug’i bilan Damashq, Kuvayfa va Izrada joylashgan 175 birigadaga yuborildi. Har on yangi bir hujum uyushtirilishi mumkin. Asad 19 martda Halabda ham bunday hujumni amalga oshirgan edi”, degan ma’lumotlar o’rin olgan.
Sobiq mudofaa vaziri Ali Habib Mahmud esa Suriyadagi harbiy bazalarni va kimyoviy markazlarni eng yaxshi bilgan shaxslardan biridir. U Harbiy general bo’lgan kezlarda bir qancha markazlarda qo’mondonlik qilgan. Shuningdek, mudofa’a vazirligi mansabini egallab turgan payda kimyoviy markazlar va havo mudofa’a tizimida muhim ishlarni amalga oshirgan.
