Matbuot bayonoti
Hizbut Tahrir ushbu vojib uchun musaffo shariat bilan tartiblashtirilgan aniq yo’lda harakat qiladi
2013 yil 16 sentyabr kuni ko’plab gazetalar va saytlarda shayx Yosir Barhomiyning «Salaflar ovozi» saytida berilgan savolga javobi tarqatildi. Xalifalik davlati barpo etishni istayotgan va jihodga chaqirayotgan jamoalarga qo’shilish vojibmi? – degan ushbu savolga u bunday javob berdi: «Ammo ba’d: yaxshilik va taqvoda hamkorlik qilish vojib. Ammo bir guruh odamlarning Xalifalik davlati barpo etishni yo jihodni yo ajrni yoki boshqa biror vojibni ado etishni istayotganlarining o’zi ularga qo’shilishni vojib qilmaydi, balki avvalo, o’sha jamoaning yo’li, faoliyati, vositalarining to’g’riligini hamda maqsad va g’oyasining to’g’riligini tekshirmoq zarur, chunki yaxshi maqsadni istayotganini da’vo qilayotgan ko’pchilik kimsalar bunday emaslar!»
Bu javobdan tushunlib turibdiki, Xalifalik davlati barpo etishga faoliyat qilayotgan jamoaga qo’shilish shar’iy farz, biroq Alloh oldidagi javobgarlikdan qutqaruvchi jamoaning, uning yo’lining, faoliyati va vositasining to’g’riligini tekshirib ko’rish lozim ekan. Misr matbuoti bir-biridan farqli ravishda qanday qilib bunday xabarni ilib olib, masalani o’z mazmunidan chiqarib tashlash uchun nususlarni qay tarzda ta’vil qilishlaridan qat’iy nazar, biz Hizbut Tahrirdagilar quyidagilarni ta’kidlaymiz:
1 – Xalifalik Alloh musulmonlar uchun rozi bo’lgan va hech shubhasiz qat’iy farz qilgan boshqaruv nizomidir! Musulmonlar ushbu Xalifalik soyasida bir necha asr bahramand bo’lganlar va shu bois u musulmonlarni himoya qilishga haqli nizom bo’lgan. U 1924 yil asr jinoyatchisi Mustafo Kamol qo’li bilan ag’darilgandan so’ng musulmonlar ularni g’amxo’rlik bilan boshqaradigan, mudofaa etadigan, daxlsizliklarini himoya qiladigan boshqaruvchisiz qoldilar va biz boquvchisiz qolgan etimlarga aylandik-qoldik… Shu bois to payg’ambarlik minhoji asosidagi Xalifalik davlati qayta barpo bo’lib, Rosululloh ning bashoratlari ro’yobga chiqmaguncha Ummatga o’z azizu mukarramligi hargiz qaytib kelmaydi.
2 – Hizbut Tahrir ushbu Islomiy Xalifalik davlatini barpo etishga o’zini fido etgandir. Zotan, u 1953 yil Azharning buyuk olimi, shayx Taqiyyuddin Nabahoniy tomonidan ta’sis etilgandan buyon Rosululloh ning ilk Islom davlati barpo etishdagi yo’llariga qadamma-qadam ergashib kelmoqda: Rosululloh a.s Makkada jamiyatda fikriy va siyosiy kurash olib borishga, quvvat va yordam ahlidan nusrat talab qilishga asoslangan guruh tuzdilar, Hizbut Tahrir ham shu yo’ldan yurmoqda va shu jihatdan uning yurayotgan yo’lining ham, olib borayotgan faoliyatining ham to’g’riligi to’la ishonchli. Bu Hizb hokimiyatga etish uchun bugungi korruptsiyachi rejim karvoniga ergashish orqali iflos demokratiya o’yinida qatnashmaydi, chunki Rosululloh ham Makkadagi poraxo’r tuzumda ishtirok etish va uning karvoniga qo’shilishni rad etganlar. Hizb moddiy faoliyat bilan shug’ullanmaydi va Xalifalik davlati barpo etish yo’lida zo’ravonlik ishlarini qabul qilmaydi, chunki Rosululloh buni rad etganlar. Hizb Ummatga Islomni hayot mabdai sifatida hamda Ummat uni Xalifalik davlatida tatbiq etadigan farz amali sifatida tushuntirish uchun tunu kun faoliyat olib bormoqda, chunki Rosululloh xuddi shunday qilganlar. Toki, Xalifalik davlati barpo etishning farzligi Ummatning afkori ommasiga, omma talabiga aylansin va Ummat undan boshqa alternativga rozi bo’lmay, xuddi Husni Muborakni ag’darish shamoli butun Misr ko’chalarini supurib ketib, uni 18 kundayoq ag’darganday, Xalifalik shamoli ham butun Ummatga etib borsin!! Shuningdek, Hizb Rosululloh ning yo’llariga ergashar ekan, armiya safidagi quvvat ahli bilan ham bog’lanib, ular Hizbga nusrat-yordam berishlari, yo’liga g’ov bo’lmasliklari uchun ularda ayni loyiha va uning farzligiga nisbatan ishonch paydo qilishga harakat qilmoqda!
U o’zining ushbu faoliyatida Alloh Subhanahuning Ummatga nusrat, xotirjamlik va imkoniyat berish haqidagi va’dasiga qattiq ishongan holda, Allohning yolg’iz O’ziga tavakkal qiladi.
3 – Biz Hizbut Tahrir a’zolari Xalifalik davlati barpo etish vojibligini anglab etgan barcha musulmonlarni, shu jamladan, shayx Yosirni ham ushbu buyuk farzni ro’yobga chiqarish yo’lida bizga qo’shilishga hamda qiyomat kunida payg’ambarlar, siddiqlar va shahidlardan iborat Allohning ne’matiga sazovor bo’lgan zotlar bilan hamroh bo’lishga da’vat qilamiz, ular naqadar ajoyib hamrohdirlar.
«Ey mo’minlar, sizni Alloh va Rosuli sizga jon ato etuvchi narsaga chaqirgan paytda uni qabul qiling va bilingki, Alloh kishi bilan uning qalbi o’rtasini ajratib qo’yadi hamda Uning huzuriga to’planajaksiz» [Anfol 24]
Sharif Zoyid
Hizbut Tahrirning
Misrdagi matbuot bo’limi raisi
