O’zbekiston hukumati Musulmonlar bayrami, qarindosh urug’ va tanish bilishlar bir birlarining ahvolidan xabar olib, bordi-keldi qiladigan hayit kuni munosabati bilan Qirg’izistonga o’tadigan “Do’stlik” chegara punktini yopib qo’ygan edi. Hayitdan uch kun o’tib ochilishi aytilgan chegara punkti hamon yopiqligicha qolmoqda. Qirg’iziston bosh vazirining o’rinbosari To’qo’n Mamitov 13 avgustda “http://barakelde.akipress.org” saytigaga “Do’slik” chegara punkti ikki kundan keyin ochilishini ma’lum qildi.
O’zbekiston tomoni esa chegara punktinig qachon ochilishi haqida rasmiy bayonot bergan emas. To’qo’n Mamitov Qirg’izistonning chegara xizmati raisi Matenov O’zbekistonning chegara xizmati raisi bilan uchrashganligini va “Do’slik” chegara punkti ikki kun ichida ochilishini ma’lum qilgan bo’lsa-da, biroq ba’zi xabarlarga ko’ra, chegara o’tish punkti sentyabr oyigacha yopiq holda qolishi mumkin. Chunki O’zbekistonda, har yili davlat mustaqilligi nishonlanadigan kundan bir necha kun avval mamlakat chegaralarining yopib qo’yilishi odat tusiga kirgan. Guvohlarning aytishicha, boshqa chegara nuqtalaridagi o’tish rejimida o’zgarishlar yo’q.
Bosh vazir o’rinbosarining bildirishicha, O’zbekiston tomon hayit bayrami munosabati bilan Andijon hududida siyosiy, ijtimoiy vaziyat avj olib ketishligidan xavfsiraganligi uchun “Do’stlik” chegara punktini yopib qo’ygan.
O’zbekistonning yon qo’shnisi bo’lgan Qirg’izistonga o’tadigan 15ta chegara o’tish nuqtasi mavjud. Ulardan aksari 2010 iyunida yuz bergan milliy nizolardan so’ng yopib qo’yilgan.
