بسم الله الرحمن الرحيم
Shavvol oyini ko’rinish yoki ramazon oyini to’lik o’ttiz kun bo’lishi bilan iydi ramazon bo’ladi. Kishiga shavol oyini ko’rishi va unga guvoh bo’ladigan yana bir kishini ko’rishi bilan yoki ishonarli manbalardan ikki kishini ko’rganligini eshitishi bilan ro’za tutish farz tamom bo’ladi va iydi ramazon bo’ladi.
Bu kun iydi ramazon deb hisob qilinishi uchun yangi oyni ko’rish asosiy hujjatdir. Zero, Abu Hurayra(r.a)dan rivoyat qilinadi, Payg’ambarimiz(s.a.v): -“oyni ko’rsanglar, bas ro’za tutinglar va agar uni ko’rsanglar ro’zadan chiqinglar. Bas, agar oy ko’rinmay qolsa ro’zani o’ttiz kun tutinglar”.. Anas Ibn Molik(r.a)dan rivoyat qilinadi: Payg’ambarimiz(s.a.v)ning ansorlardan bo’lgan amakilarim aytdilar; –“shavol oyi bizga noma’lum bo’lib qolgan edi biz ro’za tutdik va tongga ro’zador holda kirdik, so’ng kunduzining oxirida otlig’lar kelishib, Nabiy(s.a.v)ning xuzurida kecha oyni ko’rishganiga guvohlik berishdi. Bas Rosululloh(s.a.v) ularga ro’zalarini ochishlikka va ertasiga iydlariga chiqishlariga buyurgan ”. Ibni Mojja rivoyatlari.
Demak, qachon Shavvol oyining hiloli ko’rinsa, musulmonlar uchun ro’za tutish farz tugaydi. Chunki Payg’ambarimiz(s.a.v): –“oyni ko’rsanglar, bas ro’za tutinglar va agar uni ko’rsanglar ro’zadan chiqinglar…”. – deganlar. Shavvol oyini ko’rish uchun xarakat qilish ham farzi kifoya. Bu farzni bajarish uchun “Ramazon”ning 29-chi, chorshanba(7\08\2013) kundizi bizdan Sharqda yashayotgan (Yaponiya va Koreyadagi kabi) musulmon birodarlarimizdan xabar kutamiz. Kun botishiga yaqin qolganda oyni ko’rish imkoni bo’ladigan baland va ochiq joyga chiqib kutiladi. Agar ko’rinsa dunyodagi barcha musulmonlarga bu xabarni darhol etkazish kerak bo’ladi. Agar ko’rinmasa, bizdan G’arbda yashayotgan birodarlardan xabar kutamiz. Maboda oy chiqmasa yoki havo bulitlik bo’lib ko’rinmay qolsa, u holda “Ramazon”ni 30 kun bo’lishi bilan ro’za farzi tamomiga etadi va Iydi Ramazon bo’ladi. Payg’ambarimiz(s.a.v): –“… Bas, agar oy ko’rinmay qolsa ro’zani o’ttiz kun tutinglar”, -deganlar.
