27 iyulga o’tar kechasi Misr poytaxtidagi Robia al-Adaviya maydonida namoishchilar bilan politsiya kuchlari o’rtasidagi to’qnashuvlarda tahminan 120 kishi qurbon bo’lgan, jarohat olganlari 4.5 minga yaqin. Birodarlar harakati bu xodisani “odamlarni ommaviy qirg’in qilish” deb atadi. Voqeaga guvoh bo’lganlar ma’lumotlariga ko’ra, to’qnashuvlar chog’ida maydonga yaqin erlarda telefon aloqalari o’chirilib qo’yilgan edi, internet ishlamagan, odamlar tez yordam punktiga qo’ng’iroq qilib, ro’y berayotgan voqea haqida ma’lum qila olishmagan.
Shanbaga o’tar kechasi Mursi tarafdorlari 3 iyuldan beri norozilik aktsiyalarini o’tkazayotgan Robia al-Adaviya va Qohira davlat universiteti qoshidagi an-Naxda maydonlari tarafiga qo’shimcha politsiya bo’linmalari va bronetexnika tashlangan edi.
Juma kuni Aleksandriya masjidlarining birida islomchilar bilan Mursiga qarshilar o’rtasida yuz bergan bir necha soat davom etgan tartibsizliklarda etti kishi qurbon bo’lgan. Avvaliga politsiya kuchlari tomonlarni ajratishga muvaffaq bo’lgan, biroq, keyinroq «birodarlar» guruhi masjid binosiga kirib olib, hech kimni masjidga yaqinlashtirmagan. Masjidga yaqinlashmoqchi bo’lgan har bir kishiga qarata o’t ocha boshlashgan.
Shuningdek, qarshilar va tarafdorlar o’rtasida to’qnashuvlar Gizeda, Al-Mansur, Fayuma, G’arbiyada yuz bergan. Qisqa to’qnashuvlar Sharm ush-Shayxda ham bo’lib o’tgan. Lekin u erda o’rtaga qabilalar oqsoqollari aralashuvi natijasida keskinlik daf qilingan. Misr janubidagi Luqsorda qarama qarshi taraflar o’zaro munosabatlarini yonuvchi suyuqlik quyilgan idishlar, toshlar va sochma o’q yordamida hal qilishgan.
