Taxminan ikki oy oldin boshlangan Istanbul shahrining Taqsim maydonidagi norozilik aktsiyalari haligacha to’xtagini yo’q. Politsiya bilan namoyishchilar o’rtasida tez-tez to’qnashuvlar yuz berib turipti.
Ro’zaning boshlarida Taqsim maydonidagi Geziparki Istanbul hokimi tomonidan ochilganligi, biroq oradan bir necha soat o’tib politsiya uni ëpganligi xabar qilingan edi.
So’nggi kunlarda yana politsiya kuchlari bilan e’tirozchilar o’rtasida to’qnashuv kelib chiqqanligi haqida xabarlar tarqaldi. Politsiya kuchlari ko’z yosh oqizuvchi gazlardan va suv sepuvchi mashinalardan foydalanib, namoyishchilarni tarqatishga harakat qilgan. To’qnashuvlarda jarohatlangan kishilar soni borasida xabar yo’q.
Davlatga qarshi yuzaga kelgan tartibsizliklarga Istanbul shahridagi Taqsim maydonidagi Gazi parkini buzib, uning o’rniga tijorat markazi qurish sabab bo’lgani aytilgan edi.
Biroq, Turkiya bosh vaziri Rajab Toyyib Erdug’on esa bu borada G’arb davlatlarini ayblab chiqdi.
Bosh vazirining aytishicha, qariyib ikki oydan beri davom etib kelayotgan namoyishning sababi bir parkdagi to’rtta daraxtning kesilishi emas. Uning bunga aloqasi yo’q. Turkiyaning boshqa shaharlarida ham davlatga qarshi boshlanib ketgan keng qamrovli namoyishlarga olib kelgan so’nggi hodisalar G’arb davlatlari chizgan rejaga ko’ra amalga oshmoqda.
Erdug’on bu e’tiroz namoyishlari Turkiya qudratli mamlakatga aylanishini istamagan G’arbdagi imperialistik va kapitalistik doiralar tomonidan rejalashtirilgani va shu doiralar endilikda Turkiyada ahli sunnat va alaviylar o’rtasida to’qnashuvlarni keltirib chiqarish niyatida ekanligini ta’kidladi.
