Isroil bosh vaziri Binyamin Netanyahu 2010 yilda Moviy Marmara kemasiga uyushtirilgan qonli hujum uchun Turkiya prezidenti Rajab Toyyib Erdug’ondan rasman uzr so’rash “Isroil xavfsizligi uchun muhim hodisa”, deb hisoblaydi. Uning ta’kidlashicha, bu qadam “Suriyadagi tanazzulga yuz tutgan vaziyatni muolaja qilish bo’yicha Turkiya bilan birga harakat qilish”ni kuchaytirish maqsadida tashlangan qadamdir.
Nitanyahu o’zining Feysbook ijtimoiy tarmog’idagi shaxsiy sahifasida shunday deydi: “Suriyadagi inqiroz kundan kunga yomon tus olmoqda. Men ushbu masalani ko’z o’ngimga keltirgan holda bu qadamni tashladim (ya’ni Turkiyadan uzr so’radim)”.
U katta xatar terroristik tashkilot deb sifatlanayotgan jamoalar qo’lga kiritishga harakat qilayotgan kimyoviy qurollar zaxirasi ortida yashiringaniga ishora qilib, “Suriya quladi, harbiy arsenal va zamonbop qurol aslahalar turli toifalar qo’liga tushib qolishiga oz qolyapti”, deya qo’shimcha qildi.
– Ora uzilganidan uch yil o’tib Turkiya bosh vaziri bilan gaplashdim va aloqalarni qayta tiklashga qaror qildim. Chunki atrofimizda bo’layotgan voqea-hodisalarning keskin tus olishi mintaqa davlatlari bilan doimiy aloqani qayta tiklashni talab qilmoqda, deydi Isroil bosh vaziri Nitanyahu.
Suriyadagi vaziyat aloqalarni qayta tiklashga majbur qilganligini alohida ta’kidlab o’tdi u.
