Mossad josuslik xizmati sobiq rahbarining ta’kidlashicha, Tel Aviv Suriya rejimiga o’zining betarafligini va zarurat tug’ilmasa aslo Suriyaning ishlariga aralashmasligini bildirgan.
“Bashar Asad Isroilning Damashqdagi odami. Bu odam (ya’ni Asad) va uning otasi 1974 yil ikki taraf o’rtasida jangni to’xtatish bitimiga imzo chekilgandan buyon, qirq yil mobaynida Jo’lon frontida tinchligimizni himoya qilish uchun bizga imkoniyat yaratib kelgan. Isroil davlati Suriya qo’zg’oloni boshlangandan buyon buni e’tibordan chetda qoldirmadi”, dedi Isroilga qarashli Mossad josuslik xizmatining sobiq rahbari Efraim Galevi .
Amerikaning “tashqi masalalar” jurnali “Isroilning Damashqdagi odami” nomi ostida maqola nashr qildi. Maqolada Efraimning “hatto 1982 yil Livan erlarida Isroil va Suriya kuchlari o’rtasida dahshatli jang bo’lib o’tgan paytda ham Jo’lon hududida tinchlik saqlanib turgan”, degan so’zini keltiradi.
Isroil xavfsizligining sobiq mas’uliga ko’ra Tel Aviv faqat zarurat tug’ilsagina Suriyaning ishlariga aralashadi. Biroq hozirgi paytda Suriyaning ishlariga kelajakda aralashish mumkinligiga hech bir ishora yo’q.
Biroq Efraim aytishicha, Suriyada anarxiyaning uzoq davom etishi va jangavor amaliyotlarning kengayishi dunyoning har tarafidan islomchilarni bu o’lkaga jalb qiladi. Bo’ esa Isroilga qo’shni bo’lgan davlatlar, jumladan Livan, Iordaniya, Iroq davlatlari tinchligiga xavf soladi. Bundan tashqari, Bashar Asad kimyoviy qurollar saqlanadigan omborlarga egalik qilishni qo’ldan boy berishi mumkin.
“Isroil hukumatining Suriya ishiga aralashmasligining sabablaridan biri shuki, Isroil Suriya kuchlarini o’ziga raketa hujumini uyushtirishga jalb qilishni xoxlamaydi. Shuningdek, u Alaviy toifasini ham o’ziga dushman qilib olishni xohlamaydi”, deb ta’kidladi Efraim.
Mossadning sobiq rahbariga ko’ra, o’tgan kunlarda qilingan Isroilning havo zarbasi Suriyadagi qurollar Livanga o’tib ketishini oldini olish maqsadida uyushtirilgan. So’ngra Bashar Asad rejimi bilan maxfiy kanallar orqali yoki oshkora bog’lanib, “Isroil Suriya masalasi borasida betaraf turishga qaror qilgan”ligini etkazilgan. U Isroilning bu maktubi Damashqda diqqat bilan tinglanganligiga, shuning uchun Isroil hujumini o’rta darajali mas’ul tili bilan inkor qilganligiga ishora qildi.
Efraim Galevi Mossad rahbarligidan bo’shagandan keyin Isroildagi xavfsizlik himoyachilarining eng mutaxassislardan bir deb e’tibor qilinadi. Shuningdek u 1994 yil Vodiy Arobada imzolangan Isroil tinchligi bitimining ko’zga ko’ringan asoschilaridan biridir.
