Eron Suriyaga bo’lgan har qanday hujumni o’ziga bo’lgan hujum qatori qabul qiladi. Bu haqda shanba kuni oyatollo Ali Xomanai yordamchisi Ali Akbar Viloyati bayon qildi.
“Suriya mintaqada qarshilikning mustahkam siyosatini ilgari surishlikda eng asosiy va hal qiluvchi rolni o’ynaydi. Shuning uchun ham Suriyaga qilingan hujum Eronga va uning ittifoqdoshlariga qilingan hujum qatori qaralishligi kerak”, – dedi Viloyati
Eron deyarli ikki yildan buyon o’z xalqini qirg’in qilayotgan Bashar Asadning asosiy tarafdoridir. Texron G’arbni Asadga qarshi amliyotga kirishishlikdan bir necha marotaba ogohlantirgan.
Eron tashqi ishlar vaziri Ali Akbar Salixi Eron Suriya muammosiga g’arbcha echim tiqishtirilishligiga yo’l qo’ymasligini va muammo faqat Eron rejasi asosida hal qilinishligi talabida qat’iy turishligini bayon qilgan. “Eron tashabbusi Suriya muammosini hal qilishdagi yagona variantdir va, sharoitning o’ta murakkabligiga qaramay,bu muammo bizning rejamiz asosida hal etilishligiga umid qilamiz. Va hammalari bilib qo’ysinlarki, Suriyaga horijdan g’arbcha echim tiqishtirilishligiga Eron aslo yo’l qo’ymaydi”, – dedi vazir.
Eron o’z rejasida Suriyada dastlab parlament saylovlarini so’ngra prezident saylovlarini o’tkazishlikni va saylovlarga qadar Bashar Asad qonuniy prezidentligicha qolishi kerakligini taklif qiladi. Buning uchun avvalambor mamlakatda to’liq miqyosdagi milliy muloqot o’tkazish va qon to’kishni to’xtatish zarur.
Eron «Suriya bo’yicha “Amaliy guruhlar” Jeneva shartlashuvi»ga qo’shildi. Shartlashuvda davlat boshqaruvining yangi modeliga siyosiy o’tish jarayonining yo’nalishlari maslahatlashishlar asosida ma’qullangan. Misr prezidenti Muhammad Mursi tashabbusiga binoan eronlik vakillar Misr va Turkiya vakillari bilan birgalikda Jeneva shartlashuvining ko’rsatmalarini amalga oshirishlikka qaratilagan mtintaqaviy harakatlarda ishtirok etadi.
