Matbuot bayonoti
2012 yil 12 dekabr chorshanba kuni Marokashda keng ko’lamda «Suriya do’stlari» konferentsiyasi bo’lib o’tadi. Dunyoning turli davlatlaridan 124 delegatsiyani o’z ichiga oluvchi ushbu konferentsiyada Amerika tashqi ishlar vazirasining o’rinbosari va Qo’shma Shtatlar vakili bo’lgan Uilyam Berns qochqinlar masalasi bo’yicha oliy vakillar, inson huquqlari vakillari ishtirok etadilar.
Marokash tashqi ishlar vaziri Sa’duddin Usmoniyning bayonotiga ko’ra, konferentsiyada Suriya muxolif koalitsiyasini qo’llab-quvvatlash uchun siyosiyo soha hamda Suriya xalqiga yordam berish uchun insonparvarlik sohasi borasida bahs-munozara bo’lib o’tadi. Marokash davlati konferentsiyada chiqarilajak qarorlarni va o’z vazifalarini go’yo Suriya xalqiga nusrat-yordamdek, Bashar Asadni ag’darish yo’lidagi keskin qadamlardek tasvirlashga urinyapti. Ammo haqiqat tamoman o’zgacha. Chunki Marokashda o’tkaziladigan «Suriya do’stlari» konferentsiyasi Shom ahli qo’zg’oloniga qarshi tilbiriktirayotgan kimsalarning eng katta yig’inidan o’zga narsa emas. Ularning asosiy kun tartiblariga Suriyadagi qo’zg’olonchi kuchlar va muxolafatning milliy koalitsiyasiga moddiy va ma’naviy qo’llab-quvvatlov taqdim etish qo’yilgan. Milliy koalitsiya esa Amerika mutasaddiyligi va bevosita nazorati ostida ta’sis etilgan bo’lib, undan qo’zg’olonni islomiy qo’zg’olonligidan burish va Xalifalik davlatini barpo etishga chaqirayotgan ichki qo’zg’olon ahliga qarshi kurashish maqsad qilingan.
Milliy koalitsiyaning xiyonat bobida tashlagan eng birinchi qadami shu bo’ldiki, koalitsiya raisining uchinchi o’rinbosari qilib tayinlangan Jorj Sabra 2012 yil 7 dekabrda Suriyaga xalqaro harbiy aralashuvni talab qildi. U o’z talabini Suriya rejimining xalqqa qarshi kimyoviy qurol qo’llashi mumkinligi bilan dastakladi. Uning talabi ortidan Turkiya 9 dekabr shanba kuni ozod armiya uchun yangi qo’mondon saylanganini va yangi birlik qo’mondonligi tashkil qilinib, uni koalitsiyaning bir qismiga aylantirilganini e’lon qilish bilan navbatdagi qadamni tashladi. Milliy koalitsiya bosh kotibi Mustafo Sabog’ esa ekstremistik islomiy tashkilotlarni uzoqlashtirish lozimligini bildirdi. U bu so’zi bilan ham Bashar Asad boshqaruvidan, ham G’arb hukmronligidan qutilishni istayotgan Xalifalik davlatiga xolis da’vat qilayotganlarni nazarda tutyapti.
Voqealar oqimini doimiy kuzatib borayotgan kishilar shuni biladilarki, «Suriya do’stlari» yig’inida go’yo Shom axlinig xaloskori sifatida taqdim etilishi ko’zlanayotgan bu milliy koalitsiya Amerika ortidan borish va BMT vakili Axzar Ibrohimiyni rozi qilish bo’yicha qadam tashlayapti, bu Axzar va uning xo’jayinlari Asad rejimini saqlab qoladigan bir siyosiy echim yaratishga urinishyapti. Masalan, joriy yil 5 dekabrda Dublinda o’tkazilgan NATOga a’zo davlatlar tashqi ishlar vazirlari konferentsiyasida AQSh tashqi ishlar vazirasi bunday bayonot berdi: «Men Marokashda o’tkaziladigan Suriya do’stlari yig’iniga avvaldan shunday tashabbus bilan chiqyapmanki, biz aynan shu yo’l (tabiiyki, u Amerika yo’li demoqchi) to’g’risida fikrlovchi davlatlar bilan birgalikda Suriyadagi nizoga chek qo’yish yo’lida qilishimiz mumkin bo’lgan ishni muhokama qilamiz. Biroq buning uchun Asad rejimi siyosiy o’tish davri amaliyotida qatnashish qarorini qabul qilishi kerak bo’ladi».
Ey Marokash ahli!
Shom qo’zg’oloni Allohning masjidlaridan yo’lga otlandi va Shom ahli birinchi kundan boshlab, «boshqaruv Allohniki», «boshqaruv Allohniki», deya hayqirdi. Shunda butun dunyo ularga qarshi tilbiriktirdi. Shom ahli esa Allohga tavakkal qildilar, nusrat sari sabot bilan yo’llarini yorib o’tdilar, tepalarida tavhid bayroqlari hilpirab turdi, bo’g’izlaridan Islomiy Xalifalik, degan hayqiriqlar yangradi, tanalari Aqsoni ozod etishga talpindi. Bashar Asad rejimini ag’darishlariga bir bahya qolganda Amerika bu qo’zg’olonlarini kekirdakdan olish uchun milliy koalitsiya, degan narsani o’ylab topdi. Bas, siz Marokash ahli joriy yilning 19 oktyabr jumasiga Shom ahli tomonidan «ey Amerika, qonlarimizga bo’lgan ochko’zliging qonmadimi», deb nom qo’yilgan ekan, mana shunday nom qo’yishga arzigan bu Amerika bizga biror yaxshilik keltiradi, deb o’ylamang. Amerikaning harbiy aralashuviga zamin tayyorlayotgan bu koalitsiya Shom ahlini ozodlikka chiqarishni istayapti, degan gumonga bormang. Ushbu birodarlaringizga qarshi to’qilayotgan bunday tilbiriktiruvlarga o’z yurtingizda turib ongli ko’z bilan qarang va unga o’z noroziligingizni bildiring.
Ey Shom ahli!
Siz haqni tanidingiz, endi uni mahkam ushlang. Siz Islomiy Xalifalik davlatini barpo etishga faoliyat qilish xartiyasini birinchilardan bo’lib chiqardingiz, bas, oliy narsani tuban narsaga almashtirmang. Siz Islomni boshqaruvga olib kelish istagingizni allaqachon e’lon qilgansiz, shunday ekan, ortga ketib qolishingizdan, natijada, voqedan ta’sirlanuvchi islomchilarning boshqaruvga kelib olishib, Islom va uning ahkomlari esa tatbiq o’rnidan uzoqlarda qolib ketishidan ehtiyot bo’ling.
Bilingki, siz jihod er kishilari bo’lib, bu sifatni ajdodlaringizdan meros qilib olgansiz, orangizda Alloh ular tufayli dinga nusrat-yordam beradigan zotlar bor, Shom Islom diyorining aslidir, sizni yordamsiz qoldirgan kimsalar hargiz sizga zarar etkazolmaydilar, eng muhimi-eng muhimi, Shom va uning ahlini Alloh O’zi kafilligiga olgan. Mana shunday rabboniy kafolatlardan so’ng ham nahot o’z zimmangizga olgan ishlardan voz kechsangiz?!
«Ey mo’minlar, sabr qiling va sabru toqat qilishda (kofirlardan) ustun bo’ling hamda doimo (jihod uchun belingiz bog’liq holda) hozir bo’lib turing, Allohdan qo’rqingkim, shoyad najot topsangiz!» [Oli Imron 200]
