AQSh davlat departamenti rasmiy vakili Viktoriya Nulandga ko’ra, ba’zi mamlakatlar, agar Suriya prezidenti Bashar Asad yurtni tashlab chiqib ketmoqchi bo’lsa, boshpana berishlikka rozi ekanliklarini aytishgan.
“Bir qator mamlakatlar, hususan, Yaqin Sharq mintaqasi mamlakatlaridan bir nechtasi, agar Asad Suriyani tashlab chiqib ketmoqchi bo’lsa unga va uning oilasiga boshpana berishlikni taklif qilishdi”, – dedi vakil.
Biroq, Bashar Asad, Rossiyaning Russia Today telekanaliga bergan bayonotida, hech bir vziyatda vatanini tashlab chiqib ketmasligini va’da qildi. “Men suriyalikman, Suriyada tug’ilganman, Suriyada yashashim va shu erda o’lishim kerak”, – dedi u.
Asad, shuningdek, Suriyaga boshqa davlat bostirib kirgudek bo’lsa, dunyoni to’xtatib bo’lmas oqibatlar kutayotganligida ogohlantirdi. Va shu vaqtning o’zida u, qurolli hujumga G’arb dadil kirishib ketishligi amri mahol ekanligi haqida o’z fikrini aytdi.
Suriyaga qurolli bostirib kirishlik ehtimoli xalqaro hamjamiyat tarafidan jiddiy muhokama qilingan emas. Biroq, BMTning Suriya bo’yicha mahsus vakili Laxdar Braximi fikricha, masalani bunday yo’l bilan echishlik, aslo yo’l qo’yib bo’lmaydigan hol.
2012 yil baxorida AQSh, harbiy bostirib kirishlik qarorini qabul qilish uchun xalqaro hamjamiyatning umum kelishilgan pozitsiyasi, shu jumladan, Rossiya va Xitoyning roziligi kerak bo’ladi, deb bayonot bergan.
Turkiston:
Asad xaqiqatdan ham Suriyada tug’ildi va yaqin kunlarda shu erda o’lishi ham mumkin agar qochib qolmasa.
Suriyaga bostirib kirishi mumkin bo’lgan kuch deganida, Turkiya armiyasi ortida turgan NATO va uning ortidagi AQShni nazarda tutmoqda. Bu kuchlarga qarshi dunyoni ontar to’ntar qilib yuborishi mumkin deganida so’zlari esa, Rossiya bilan Eronning ularga qarshi turib berishiga umid bog’laganidan kelib chiqqan.
Lekin Rossiya xozirgi ahvolida, ya’ni ichki siyosatidagi beqarorlik va xalqaro siyosatdagi o’rni toboro zaiflashib borayotganidan, Suriya rejimi uchun NATOga qarshi chiqa olmaydi.
Xozirgi Asadning rejimini ushlab turgan aslida Rossiya emas, balki AQSh Rossiyaning siyosiy go’lligidan o’z manfaatlarida o’ta mohirona foydalanayabdi xalos.
Ba’zi bir, Rossiyaning mavqeyi Suriyada AQShning manfaatlarini to’sib qo’ymoqda degan fikrlar xaqiqatdan ancha yiroq.
Eron esa, asli xalqaro siyosatga mustaqil ta’sir qila oladigan davlatlar toifasidan emas.
