Agar Britaniya dunyo siyosatiga ta’siri o’tishini istasa Yevropa ittifoqi tarkibida qolishi lozimdir. Bu haqida AQSh prezidenti Barak Obama aytib chiqdi.
AQSh prezidenti Britaniyada tortishuvga sabab bo’layotgan Yevropa ittifoqi tarkibida qolish yoki qolmaslik masalasiga e’tibor qaratar ekan, Britaniyaning Yevropa ittifoqi tarkibidan ajralib chiqish fikri to’g’ri emasligini qayd etdi. Obamaga ko’ra, dunyo siyosatida Britaniyaning ta’siri davom etishi uchun u Yevropa ittifoqi tarkibida qolishi shartdir.
Britaniyada Yevropa ittifoqi tarkibida qolish yoki qolmaslik masalasi xalq ovoziga qo’yilgan. Bu masala 2017 yilga qadar hal qilinib, bu borada qaror qabul qilinishi ko’zda tutilgan. VVS axborot agentligiga intervyu bergan Obama Britaniyani Yevropa ittifoqi tarkibidan ajralib chiqish qarori oqibatidan ogohlantirdi.
Obamaning bildirishicha, Birlashgan qirollik Yevropa ittifoqi tarkibida qolib, transatlantik ittifoqiga bo’lgan ishonchni kuchaytirgan. Shu bilan bir qatorda, u ikkinchi jahon urushidan so’ng dunyoda tinchlik va barqarorlikni ta’minlash uchun tashkil qilingan muassasalarning “tamal toshi” hisoblanadi. Britaniya bu vazifasini davom ettirishga majbur, degan fikrni olg’a surdi Obama.
Barak Obama so’zi davomida Britaniya AQShning eng yaxshi hamkori ekanligini tilga olib o’tdi. Britaniya bosh vaziri Devid Kemironga ham maqtovlar yog’dirib, Britaniya NATOning talabini bajarganligini olqishladi. NATO mudofaa tizimni mustahkamlash uchun yalpi ichki mahsulotning 2 foizini sarflashni talab qilgan edi. Bu borada Kameronga bosim o’tkazganlik haqidagi ayblovlarni rad etgan Obama ikkovlari o’rtasida g’oyatda ajoyib uchrashuvlar bo’lib o’tganligini qayd etdi.
