Sudanning Qadorif viloyatida milliy xavfsizlik kuchlari rahmat va mag’firat oyi bo’lmish Ramazon oyida Islomga da’vat qilayotgan Hizb ut-Tahrir yigitlarini kaltaklab, so’ng qamoqqa oldi. Bu fojeali hodisa muborak Ramazon oyining yigirma uchinchi kechasida sodir etildi.
Sudanda Hizb ut-Tahrir yigitlari muborak ramazon oyida turli joylarda, jumladan Qadorif bozorida ham mahalliy xalq bilan uchrashuv o’tkazish uchun ma’lum nuqtalar tashkil qilishdi. Bundan maqsad xalqni Islomiy hayotni qayta boshlashga da’vat qilish edi. Biroq Islomga da’vat qilayotgan yoshlar Sudan kuch ishlatish organlari tarafidan qattiq hujumga yo’liqdi. Ular Hizb yigitlarini og’ir shaklda do’pposlab, undan so’ng qamoqqa oldi.
Musulmonlar Qadr kechasida ibodat bilan mashg’ul bo’lib Allohga yaqinlik hosil qilayotgan bir paytda, Sudan xavfsizlik xodimlari Islom da’vatiga qarshilik qilish bilan Shaytonga yaqinlik hosil qilishdi. Hizb ut-Tahrir – Sudan viloyatining matbuot bo’limi mazkur hodisani qoralab bayonot chiqardi.
“Biz, Hizb ut-Tahrir – sudan viloyati sifatida Alloh subhanahu Taologa isyon qilgan va or-nomuslarni oyoq osti qilganlarga hamda rahmat va mag’firat oyida musulmonlarga zulm qilgan kishilarga shunday deymiz; gunohlaringizga tavba qiling, zero qurgan tuzog’ingiz bizga hech qanday zarar keltira olmaydi. Shubhasizki, biz Allohning yordami ila Pag’ambarlik minhoji asosidagi roshid Xalifalik davlatini tiklash orqali Islomiy hayotni qayta boshlash uchun da’vatimizni davom ettiraveramiz”, deyiladi bayonotda.
