Suriya milliy koalitsiyasi Istambulda 19 umumiy kengash tashkil qildi. Uch kun davom etgan kengashda Suriya masalasini hal qilish uchun yo’l xaritasi tayyorlanganligi va siyosiy echim uchun o’n uch moddadan iborat “Loyiha matni” qabul qilinganligi ma’lum qilindi.
Suriya milliy koalitsiyasining matbuot ofisi e’lon qilgan loyiha matnida BMT nazorati ostida yangidan muzokaralar boshlash lozimligi urg’ulandi. Bu muzokaralar Jeneva-2 konferentsiyasi va BMT xavfsizlik kengashining 2012 yilda qabul qilgan 2042, 2043 va 2059 sonli qaroriga tayangan holda amalga oshirilishi belgilandi. Mazkur qarorda harbiy nazoratchilarning Suriyaga kiritilishi ko’zda tutilgan.
“Loyiha matni”da keltirilgan “siyosiy echim jarayoni”dan Asad rejimining o’zgarishi va uning o’rniga demokratik bir tuzum olib kelinishini maqsad qilinganligi qayd etildi. Shuningdek, unda muzokalardan ko’zlangan asosiy maqsad Jeneva 1 konferentsiyasining barcha moddalarini, xususan boshqaruv-ijroiyya salohiyatiga ega “muvaqqat hukumat” tashkil qilish moddasini amalda ijro qilish ekanligi ilova qilindi.
Suriyada yagona qonuniylikka ega bo’lgan tashkilot sifatida qabul qilingan “muvaqqat hukumat” tashkil qilingandan so’ng uning vazifalari ham belgilandi.
Shunga ko’ra, yuqorida aytib o’tilgan “muvaqqat hukumat” bir necha vazifalarni o’z zimmasiga oladi. Jumladan, milliy yarashuv konferentsiyasi tashkil qilish uchun kerakli mexanizmni ishlab chiqish, BMT va nodavlat tashkilotlari kuzatuvi ostida saylovlar va referendumlar o’tkazishni ta’minlash, xalqning o’tish davriga ishtiroq etishini ta’minlaydigan qadamlarni tashlash, terror va janglar nihoya topishi uchun strotegiya belgilash, qabul qilgan qarorlarining moslashuvi uchun Suriya milliy koalitsiyasi bilan hamkorlik qilish kabi.
Matnda saylov bilan belgilanadigan “ijroiya qo’mitasi” ish boshlashi bilanoq “muvaqqat hukumat” bekor qilinishi alohida qayd etildi.
2012 yil Jenevada tashkil qilingan birinchi konferentsiyaning bayonotida Suriyada o’t ochishni to’xtatish, mahbuslarni ozod qilish, qamal ostidagi mintaqalarga insoniy yordamlar kiritishga ruxsat berish, jurnalistlarning bemalol faoliyat olib borishi va xalqning tinch namoyish o’tkazishi huquqini kafolatlash kabi barcha salohiyatga ega “muvaqqat hukumat” tashkil qilish olg’a suriladi.
