Qozog’iston Bosh prokuraturasi matbuot xizmatining xabar qilishicha, Qozig’iston Bosh prokurori Asxat Daulboev va AQSh prezidentining maxsus yordamchisi, AQSh milliy xavfsizlik kengashining Rossiya va Yevroosiyo masalalari bo’yicha direktori Selest Anna Uolander Qozog’iston va AQShni terrorizm, narkobiznes va qurol- yaroq savdosiga qarshi kurashda hamkorlik masalalarini muxokama qilishdi.
Xabarda belgilanishicha, “tomonlar mintaqaviy xavfsizlikni ta’minlash, terrorizm, ekstremizm, uyushgan transmilliy jinoyatchilik, norkobiznes, kiber jinoyatchilik va qurol- yaroq savdosiga qarshi kurash masalalarining keyingi yo’nalishlari bo’yicha fikr almashdilar”.
Bosh prokurorning so’zlariga ko’ra, ikki davlat o’rtasida huquqiy sohadagi ikkitomonlama hamkorlik samarali amalga oshirib kelinmoqda.
Matbuot xizmatining xabariga ko’ra, Qozog’iston Bosh prokuraturasi Amerikaning vakolatli organlari bilan jinoyatchilikka qarshi kurash, jinoiy ishlar bo’yicha xalqaro yordam ko’rsatish va jinoyatchilarni topshirish sohasida o’zaro do’stlik printsiplari asosida faol hamkorlik qilib kelmoqda.
Qozog’istonga tashrif buyurishidan oldin AQSh Prezidentining maxsus yordamchisi Selest Anna Uollander 13 iyun kuni O’zbekistonda bo’lib prezident Karimov va TIV Abdulaziz Komilov bilan ham uchrashgan edi.
O’zbekiston prezidenti matbuot xizmatining xabar qilishicha, Karimov bilan Selest Uollander o’rtasidagi uchrashuv davomida muhokama qilingan masalalar orasida Markaziy Osiyoda yadroviy quroldan xoli hudud barpo etish to’g’risidagi shartnomaning Xavfsizlik kafolatlari to’g’risidagi protokol ham bo’lgan.
Mazkur protokolning AQSh va yadroviy salohiyatga ega “beshtalikka” kiruvchi qolgan davlatlar tomonidan imzolanishi yadroviy qurolni tarqatmaslik to’g’risidagi bitimni amalga tadbiq qilish va “mintaqa va xalqaro xavfsizlikni ta’minlashning muhim jihati hisoblanadi”, – deyiladi rasmiy xabarda.
2014 yilning 6 mayida BMTning Nyu Yorkdagi bosh qarorgohida yadroviy “beshlik” – AQSh, Buyuk Britaniya, Frantsiya, Xitoy va Rossiya o’rtasida Markaziy Osiyoda yadroviy quroldan xoli hudud yaratish to’g’risidagi shartnomaning Xavfsizlik kafolatlari to’g’risida xalqaro hujjat imzolangan edi.
