Ta’ziya
Da’vat yetkazuvchining vafoti
﴿مِّنَ ٱلۡمُؤۡمِنِينَ رِجَالٞ صَدَقُواْ مَا عَٰهَدُواْ ٱللَّهَ عَلَيۡهِۖ فَمِنۡهُم مَّن قَضَىٰ نَحۡبَهُۥ وَمِنۡهُم مَّن يَنتَظِرُۖ وَمَا بَدَّلُواْ تَبۡدِيلٗا﴾
«Mo‘minlar orasida o‘zlari Allohga bergan (U zotning yo‘lida jihod qilib, shahid bo‘lish haqidagi) ahdu paymonlariga sodiq bo‘lgan kishilar bordir. Bas ulardan (ayrim) kishilar o‘z ahdiga vafo qildi, (ya’ni shahid bo‘ldi), ulardan (ayrim) kishilar esa (shahid bo‘lishga) intizordir. Ular (munofiqlarga o‘xshab Allohga bergan ahdu paymonlarini) o‘zgartirganlari yo‘q» [Ahzob 23]
Hizb ut-Tahrir – Livan viloyati o‘zining peshqadam er kishilaridan biri hoji Ali Izzuddin Dahiyning hijriy 1446 yil 9 sha’bon, milodiy 2025 yil 8 fevral kuni Minniya shahrida vafot etganini chuqur qayg‘u ila xabar qiladi.
Hoji Ali rohimahulloh yetmish uch yoshni ko‘rgan bo‘lsa, o‘zining aksar umirini Xalifalikni barpo etish orqali islomiy hayotni qayta boshlashga da’vat qilish bilan o‘tkazdi. Da’vatni ochiq, erkin, haqni baralla aytib, malomatchining malomatidan qo‘rqmay, botil qarshisida o‘rnak ko‘rsatib, ma’rufga buyurib, munkardan qaytargan holda yetkazdi. Da’vatni yetkazishdan u kishini na xastaligi to‘sa oldi va na keksalik.
Ushbu da’vat chavandozi Alloh Azza va Jalla huzuriga ketar ekan, ortidan o‘z mehnati samarasi bo‘lmish qator da’vatni yetkazuvchi yoshlarni qoldirdi.
Biz marhumning Hizb ut-Tahrirdagi birodarlari Alloh Azza va Jallaga duo qilib, unga barcha tortgan musibatlarini gunohlariga kafforat qilishini hamda Payg‘ambarlik minhoji asosidagi ikkinchi roshid Xalifalikni barpo etish yo‘lida qilgan mehnatlarini qabul aylab, anbiyolar, siddiqlar, shahidlar va solihlarga hamroh aylashini so‘rab qolamiz. Ularga hamroh bo‘lmoq naqadar go‘zal baxtdir.
﴿إِنَّا لِلَّهِ وَإِنَّآ إِلَيۡهِ رَٰجِعُونَ﴾
«Albatta biz Allohning (bandalarimiz) va albatta biz u zotga qaytguvchilarmiz» [Baqara 156]
Hizb ut-Tahrirning Livan viloyatidagi
matbuot bo‘limi
