بِسْمِ اللهِ الرَّحْمٰنِ الرَّحِيمِ
Hadisi Sharif bilan
Jazo – jinoyat sodir etganlar uchun kafforatdir
Aziz muxlislar, “Hadisi Sharif bilan” nomli ruknimizning yangi sonini samimiy salomlar bilan boshlaymiz. Sizlarga Alloh Taoloning salomi, rahmati va barakoti bo‘lsin.
Imom an-Navaviy «Sahihi Muslim»ga yozgan sharhida “Hadlar jinoyat qilganlar uchun kafforatdir” bobida shunday deydi:
وحدثني إسماعيل بن سالم، أخبرنا هشيم أخبرنا خالد عن أبي قلابة عن أبي الأشعث الصنعاني، عن عبادة بن الصامت قال:” أخذ علينا رسول الله صلى الله عليه وسلم كما أخذ على النساء، أن لا نشرك بالله شيئا، ولا نسرق ولا نزني، ولا نقتل أولادنا ولا يعضه بعضنا بعضا، فمن وفى منكم فأجره على الله، ومن أتى منكم حدا فأقيم عليه فهو كفارته، ومن ستره الله عليه فأمره إلى الله إن شاء عذبه وإن شاء غفر له“.
“Ismoil ibn Solim menga Uboda ibn Somitdan rivoyat qiladi: “Rasululloh sollallohu alayhi vasallam ayollardan qanday bay’at olgan bo‘lsalar, bizdan ham shunday bay’at oldilar. Allohga hech narsani sherik qilmaslikka, o‘g‘irlik qilmaslikka, zino qilmaslikka, bolalarimizni o‘ldirmaslikka, bir-birimizga quruq yolg‘ondan bo‘hton qilmaslikka bay’at oldilar. So‘ng: “Sizlardan qaysi biringiz bularni to‘liq bajarsa, uning ajri Alloh huzuridadir. Agar sizlardan kimdir jinoyat qilib, jazolansa, bu uning uchun kafforat bo‘ladi. Alloh kimning gunohini yashirsa, uning ishi Allohga havoladir. Alloh xohlasa uni afv etadi, xohlasa jazolaydi”, dedilar.
Ey musulmonlar!
Islomda jazo-choralari mavzusi keng qamrovlidir. Chunki Islom hayotning barcha masalalarini qamrab oladi. U Aqida, odob-axloq, ibodat, savdo-sotiq va bundan boshqa barcha munosabatlarni hal qiladi. Kimki bu munosabatlarni buzsa, oxiratda jazosini oladi. Bundan tashqari, uning bu dunyoda ham jazosi bor. Allohning hukmi boyga ham, kambag‘alga ham, hokimga ham, mahkumga ham birdek qo‘llaniladi. Mo‘min kishi bugun dunyo azobidan qutulib qolsa ham ertaga Allohdan qochib qutula olmasligini biladi, chunki Alloh dunyo va oxiratning Robbisidir.
Biroq, bugungi kunda Ummatning hayotida bu voqelik yo‘q. Chunki Islom Ummatini boshqarayotgan hukmdorlar buning aksini qilishmoqda. Kim gunoh ishlardan o‘zini tiyib, Islom ahkomlariga amal qilsa, u javobgarlikka tortilib jazolanmoqda. Uning eng yengil jazosi qamoqdir. Bunday inson qiynoq va zulmlardan aziyat chekadi. Chunki u korrupsiyaga barcha eshiklarni ochib qo‘ygan tuzumga qarshi “jinoyatchi” hisoblanadi. Shuningdek hukumat tomonidan ochilgan eshiklardan kirmaganligi uchun ham xuddi shunday jazo bor.
Aziz birodarlar, navbatdagi «Hadisi Sharif bilan» nomli ruknimizgacha Alloh Taoloning panohida bo‘ling. Sizlarga Alloh Taoloning salomi, rahmati va barakoti bo‘lsin.
22 Jummadul Uvla, 1446h yil.
24 Noyabr, 2024m yil.
