بِسْمِ اللهِ الرَّحْمٰنِ الرَّحِيمِ
Saudlar oilasi rejimi Islomni o‘zgartirish va yahudiy vujudiga xizmat qilish uchun ta’lim dasturini o‘zgartirmoqda!
Bi-Bi-Sining arab tilidagi veb-sayti «hijriy 1442 yil 2 jumodulavval, milodiy 2020 yil 17 dekabr payshanba kuni nashr qilgan xabarida bunday deyilgan:
«Britaniyada chiqadigan «Deyli telegraf» gazetasi Yaqin Sharqdagi muxbiri Devid Rousning «Saudiyaning antisemitizmga va islomiy ekstremizmga targ‘ib qiluvchi materiallarni ta’lim dasturidan olib tashlashdagi yutuqlari» sarlavhali maqolasini nashr qildi.
Maqolada Rous Saudiya ta’lim dasturi bilan bog‘liq yangi tadqiqot «antisemitizmga va islomiy ekstremizmga targ‘ib qiluvchi fikrlar»dan qutulish uchun dasturdan katta qismi bekor qilinganini va boshqa qismlariga esa o‘zgartish kiritilganini tasdiqladi, dedi va buning mamlakat tarixida sezilarli burilish, deya baholanishini», ta’kidladi.
Muallifning ta’kidlashicha, Riyoz tomonidan mamlakat va xorijdagi 30 mingdan ziyod mamlakat maktablariga tarqatilgan darslik kitoblari «butun dunyoni yahudiylar nazorat qiladi», degan fitna nazariyasini ilgari surgan sobiq kitoblardagi mavjud matnlardan xolidir. Shuningdek, gomoseksualistlar va murtadlarni shar’an qatl qilishga chaqiruvchi matnlar ham olib tashlangan.
Rous yana davom etadi: «Shuningdek, darsliklardan zamon oxirida bir ma’raka bo‘lishi, unda musulmonlarning yahudiylarni o‘ldirishlari va bunda tog‘u toshlar bilan dov-daraxtlarning ham tilga kirishi to‘g‘risidagi matnlar ham yo‘q qilindi. Bu esa, Saudiya mamlakatini «Isroil» bilan munosabatlarni normallashtirishga Qo‘shma Shtatlar vositachiligida undash haqida xabarlar tarqalayotgan bir manzarada bo‘lmoqda».
Muhokamada ta’lim dasturlaridan «musulmonlarning jihod qilish va shahid bo‘lishga tayyor turishlari»ga targ‘ib qiluvchi matnlarning ham olib tashlangani ma’lum bo‘lgan».
Roya:
Saudiya Arabistoni rejimi ham, yurtlarimizdagi mavjud g‘arbparast malay zararkunanda rejimlar ham Allohga, diniga va Islom Ummatiga urush e’lon qilish siyosatini olib borishmoqda. Biroq ularning barchasi bu qilmishlari bilan Ummat safidan sug‘urilib chiqish hamda Ummat farzandlarining g‘azabiga giriftor bo‘lishdan boshqa «hosil» olishmayapti. Zero, Ummat va Islom dushmanlari xandag‘iga o‘tib olib, mustamlakachilar va yahudiylarning sodiq askarlariga aylangan har bir malay xoinga Ummatning g‘azabi qaratilmoqda.
Islomiy Ummat, kuch-qudrat ahli va islomiy armiyalar qo‘mondonlari mustamlakachilar va yahudiylarga xizmat sifatida Islomga qarshi kurashayotgan bunday rejimlarni ag‘darmoqlari lozim, buning allaqachon vaqti kelgan. Shu bilan birga, har bir xolis insonning anavi chirib qolgan taxtlarni parchalash va Payg‘ambarlik minhoji asosidagi roshid Xalifalikni barpo etishga harakat qilish vaqti ham keldi. Faqat roshid Xalifalikkina dinimiz va uning matnlarini himoya qiladi hamda Falastinni ozod etib, Islomni butun insoniyatga nur va rahmat sifatida ulashadi.
Roya gazetasining 2020 yil 23 dekabr chorshanba kungi 318-sonidan
